只係穀類早餐都勁多選擇
奶都有好多種，全脂、脫脂、豆奶.......多到都唔記得
配料都好多
朝早又影吓餐廳
搭車途中又見到杜邦力古城。由高處睇返古城仲靚，其實杜邦力有纜車上山可以欣賞古城全景，可惜跟團真係唔夠時間上埋去。
同旅遊巴一齊搭渡輪
搭咗大約三個半鐘頭車就到高塔爾古城。古城有五百幾年歷史，有城牆同護城河。由於古城嘅外貌保留得好，所以1979年被聯合國教科文組織列入世界文化遺產。
高塔爾位於高塔爾灣嘅最深處，郵輪可以駛入黎，所以都有好多郵輪停泊。
入城
15-18世紀，哩度係威尼斯共和國嘅一部份，所以仍然見到好多同威尼斯有關嘅痕跡。有翼嘅獅子就係威尼斯嘅標誌。
一入城就見到哩座建於1602年嘅鐘塔。
佢前面就係「羞恥之柱」，係中世紀時將d犯人綁喺度，或者要佢地跪喺度示眾，要黎羞辱佢地。
跟住去食午餐。
我地坐餐廳露天嘅地方，哩隻貓好醒，逐張枱走去攞食。真係張張枱都有人俾野佢食。
墨魚汁飯
後來又有多兩隻貓黎討食，哩兩隻食得好健康，你俾炸魷魚圈佢唔食，但整走d炸粉佢就食喇。
食完飯就去聖特里普納大教堂(Cathedral of St. Tryphon)。佢係高塔爾最大嘅天主教堂，1166年以羅馬式興建，經過幾次地震之後，喺1667年重建，但又唔夠錢，所以一邊矮、一邊高；一邊冇鐘，一邊有鐘。
聖特里普納大教堂可以望到後面嘅城牆。城牆係14世紀開始以依山而建。最高有20米，長4.5公里。而家都可以上去，不過睇落斷斷續續，比杜邦力嘅城牆難行得多。
跟住就去咗睇聖路克教堂(Church of St. Luke)，建於1195年，佢原本係天主教堂，後來改成東正教堂。
聖路克教堂隔離就係聖尼古拉教堂(St. Nicholas Orthodox Church)。哩座都係東正教堂，不過就新得多，建於20世紀初。喺一個地方有一新一舊嘅東正教堂，我覺得幾特別。
跟住又係自由活動時間，我同d團友四圍行吓。
離個係皮馬宮(Pima Palace)，建於17世紀。
我地行咗幾級城牆
如果有體力、有時間上城牆。影出黎嘅風景一定更靚。
行咗出城門
城牆外有個小市集
離開高塔爾，搭多一個鐘頭車就去到黑山共和國嘅另一個城市巴杜華，或者叫布德瓦(Budva)。
城門外有好多露天餐廳
入城
哩道門可以通去沙灘
聖約翰教堂(Church of St. John)
聖三一教堂(Holy Trinity Church)
城牆可以上去嘅，入去要收費嘅，其實好平，不過我當日狀態唔好，冇上去。
古城外嘅餐廳
巴杜華古城外有個超市，一入門口就見到尋日喺杜邦力見到果隻有專門店嘅鳥結糖。比專門店平好多，於是大手入貨。
佢話自己係鳥結，但我俾10個人食過，10個都話佢只係朱古力。
行完巴杜華就返酒店喇，今晚嘅酒店係Queen of Montenegro，好大，好多房，好多客。但房間收唔到wifi，全世界都落晒大堂用wifi。
我住果層外面都有個大廳，勉強可以收到wifi，唔使吓吓落大堂。
酒店有埋賭場
酒店自助晚餐完全唔好食，又多人，是但食咗就d就返上房。
巴爾幹半島 DAY 1+2 (盧比安娜、碧湖)
巴爾幹半島 DAY 3 (札格勒布、普箂維斯)
巴爾幹半島 DAY 4 (普箂維斯--十六湖國家公園、薩拉熱窩)
巴爾幹半島 DAY 5 (薩拉熱窩、莫斯塔爾)
巴爾幹半島 DAY 6 (杜邦力)
巴爾幹半島 DAY 8 (克魯亞、提拉那)
巴爾幹半島 DAY 9 (奧赫里德、斯科比亞)
巴爾幹半島 DAY 10 (里拉修道院、索菲亞)
巴爾幹半島 DAY 11 (維勒托洛禾山城)
巴爾幹半島 DAY 12 (布加勒斯特、布拉索夫)
巴爾幹半島 DAY 13+14 (布拉索夫、錫納亞)
沒有留言:
張貼留言