今次去14日，8個國家，其實都幾趕。搭土耳其航空，經伊斯坦堡去斯洛文尼亞，跟住去克羅地亞、波斯尼亞、黑山、阿爾巴尼亞、馬其頓、保加利亞同羅馬尼亞。
土航嘅飛機餐，都唔多好食。
到伊斯坦堡轉機時，仲要過安檢，打晒蛇餅。一過完安檢已經又要上機喇，完全冇時間行吓。
不過第二程機我一個人霸三個位，正!!!
飛機餐同頭先果程機差唔多，見到D蛋，都係頭先果d，如果食晒一定會好滯。
到咗斯洛文尼亞首都盧比安娜(Ljubljana)，第一站就搭纜車上城堡山去睇盧比安娜城堡(Ljubljanski grad)。
纜車搭左三幾分鐘就到城堡。城堡建於16至17世紀，主要作用係抵禦鄂圖曼入侵。
行上去可俯瞰成個盧比安娜市。
10月去到，一早一晚比較涼。
但上到去，我覺得個景冇我想像中咁靚。
行咗一陣就搭返纜車落山
落山後就行下盧比安娜市中心。盧比安娜嘅舊城區被盧布爾雅尼察河 (Ljubljanica)貫穿咗，所以市內有好多條橋。首先我地去咗青龍橋。
再沿住盧布爾雅尼察河向派沙倫廣場方向行。
會經過屠夫橋(Butchers' Bridge)。叫做屠夫橋因為以前附近係肉類市場，有好多屠夫經過。而家橋上好多雕像，同好多情人鎖。
跟住經過露天市場
就到咗派沙倫廣場(Prešernov trg)
廣場上最著名嘅就係哩座方濟各教堂(Frančiškanska cerkev)。
教堂前就係斯洛文尼亞國民詩人法蘭‧派沙倫(France Prešeren)。佢後面嘅係繆斯女神。
派沙倫廣場連接住三道橋(Tromostovje)。不過喺地面好難一次過影晒三條橋。十九世紀時原本得一條行車橋，但到後來一條橋已經冇辦法應付當時嘅需要。所以喺1931年喺橋嘅兩側建多兩條行人橋，就變成而家嘅三道橋喇。而家廣場一帶被列做行人專用區，所以而家三條橋都係行人嘅。
望到山上嘅城堡
再向前行就到市政廳廣場 (Mestni trg)。
市政廳隔離就係羅巴噴泉(Robbov vodnjak)
有綠色圓頂同兩座塔樓嘅就係盧比安娜嘅主教堂--聖尼古拉教堂 (Stolnica svetega Nikolaja)。不過我地冇時間行教堂，因為要趕住去食午餐。
午餐
咸到喊嘅牛肉，好彩後尾有雪糕中和返。
食完午餐就搭兩個半鐘頭車去碧湖(Bled)。去到碧湖首先去酒店check in先。第一晚住湖邊嘅 Hotel Park。
一上到我住嘅樓層就見到按摩椅同會議室。
張被咁細張.........
酒店露台望到碧湖。
休息一陣就落湖邊行吓。
山上有個城堡，喺城堡影返落黎個景超正，可惜我地唔去。哩個係成個團唯一遺憾嘅地方。
可以搭船遊湖或者去湖中的小島，20歐元一個人。不過我去到時見冇乜人搭船，d團友又唔搭，所以我都冇搭。
唯有喺湖邊行吓算啦。
今晚嘅酒店
湖中小島上有個教堂。
行行下已經要除褸，其實咁多日都只係早上比較凍，一到下午已經要著短袖衫，不過又唔會太熱，天氣好舒服。
酒店附近
d紀念品店好大陸feel，d野完全買唔落手。
箭咀就係酒店位置。
酒店晚餐係自助嘅。
我覺得都唔錯啦。
巴爾幹半島 DAY 3 (札格勒布、普箂維斯)
巴爾幹半島 DAY 4 (普箂維斯--十六湖國家公園、薩拉熱窩)
巴爾幹半島 DAY 5 (薩拉熱窩、莫斯塔爾)
巴爾幹半島 DAY 6 (杜邦力)
巴爾幹半島 DAY 7（高塔爾、巴杜華）
巴爾幹半島 DAY 8 (克魯亞、提拉那)
巴爾幹半島 DAY 9 (奧赫里德、斯科比亞)
巴爾幹半島 DAY 10 (里拉修道院、索菲亞)
巴爾幹半島 DAY 11 (維勒托洛禾山城)
巴爾幹半島 DAY 12 (布加勒斯特、布拉索夫)
巴爾幹半島 DAY 13+14 (布拉索夫、錫納亞)
沒有留言:
張貼留言