由莫斯塔爾搭三個幾鐘頭車去克羅地亞嘅杜邦力。
休息站風景好靚
仲有間好大嘅超市。雖然已經入左克羅地亞境，但超市嘅標價仲係用緊波斯尼亞嘅貨幣。超市收歐羅，見到好多日本旅客狂掃一隻鳥結糖，我又買一盒試吓。
杜邦力又叫杜布羅夫尼克(Dubrovnik)，佢喺克羅地亞南面嘅飛地上，被波斯尼亞隔開左。所以我地去杜邦力，又要再次入克羅地亞境。杜邦力喺中世紀時，係亞德里亞海唯一能夠同威尼斯匹敵嘅城邦。而家係一個渡假勝地，有「亞德里亞海之珠」之稱，所以有都有好多郵輪停泊杜邦力。古城喺1979年被列入聯合國教科文組織嘅世界文化遺產，不過1991-1992年嘅內戰，杜邦力都受到嚴重嘅破壞，而家睇到嘅樣貌，係1995年聯合國協助修復嘅。
我地由古城西邊嘅派勒門(Pile Gate)進入古城。
一入去就見到聖薩維爾教堂(St. Saviour Church)
同歐諾佛利歐大噴泉(Onofrio's Large Fountain)
首先，我地去食午餐，餐廳就喺噴泉後面。
修道院內嘅博物館展示以前藥房嘅格局
哩個古城真係一個徹徹底底嘅旅遊城市，賣嘅野好貴。連廁所都貴過人，我用咗1歐羅先去到個廁所。我見有d廁所平d，不過又唔收歐羅，咁搵到個收嘅，1歐都要去啦。
突然俾我見到哩間專門店，我頭先喺休息站超市就係買咗哩隻鳥結糖(雖然我覺得佢個樣同味都唔係我認知中嘅鳥結糖，但佢個盒的的確確係寫住NOUGAT)。原來咁出名架??有埋專門店，跟日本人買野真係冇錯。我即時後悔買得一盒咁少，想入去追貨。但價錢比超市貴好多，所以買唔落手。
大道盡頭就係史邦莎宮(Sponza Palace)，係以前嘅海關黎嘅，而家係收藏珍貴古文物嘅古文書館。
史邦莎宮隔離就係鐘樓，鐘樓隔離個拱門入去，就係The Old Port舊港口，同埋古城東北嘅城門 Ploca Gate。
拱門行出去
行返入拱門先，史邦莎宮對面係羅蘭像，或者叫奧蘭多石柱(Orlando's Column)同埋佢後面嘅聖布雷瑟教堂(Church of St. Blaise )。奧蘭多石柱以前仲用黎做量度單位。
教堂建於1715年，頂部個金像就係聖布雷瑟
鐘樓隔離有個小噴泉
直行就見到教長宮(Rector's Palace)，即係以前嘅總督府，而家係歷史博物館。
教長宮斜對面就係杜邦力大教堂(Dubrovnik Cathedral)
黎到咁靚嘅地方，平時唔會自拍嘅我都瘋狂自拍。但好明顯我唔識自拍囉。
城內行得差唔多，就行返轉頭去返派勒門果邊上城牆。城牆其中一個入口就喺派勒門隔離。
由城牆影返條主要大道
歐諾佛利歐大噴泉
影返派勒門外，我地頭先就喺哩度入城。
相機影嘅維里耶納克碉堡(Tvrdava Lovrijenac)
手機影嘅
咁靚嘅景，用咩機影都靚。
不過一自拍又唔掂喇，其實我都唔識影相，全部都係亂影。
城牆上嘅餐廳
洛克魯姆島(Otol Lokrum)，舊港口果邊有船過去。
城牆上有個博物館
Minceta Tower係城牆最高點
上到最高點見到靚景，又循例相機、
手機
再加自拍啦。真係歷史嘅見證，平時懶到爆嘅我，竟然喺冇人陪嘅情況下行晒成條城牆，冇中途放棄，仲要上埋最高點!!
上完最高點就成條城牆行咗一圈，由頭先上黎嘅地方落返去。城牆長2公里，行左個幾鐘。有高有低，有d梯級真係行到喘晒氣。10月黎到，我覺得天氣好好，唔算好熱，不過好曬。邊行邊影相其實都幾舒服，不過咁猛太陽，雖然有搽防曬，但都好驚曬黑。如果照原定計劃8月黎，我諗我一定唔會行晒一圈。
行完城牆仲有時間，又行返去教長宮，入咗去個歷史博物館。哩張杜邦力卡，好似係買城牆飛送嘅，可以俾你免費去哩幾個博物館。其實我對博物館興趣不大，所以只去咗一個。
行完博物館發現入面有免費廁所，腦中即刻彈出一個單字，早知頭先唔使用1歐去廁所啦😠。
房間都好好
自助晚餐超正，係咁多日最好嘅一餐。
沒有留言:
張貼留言