一早搭車見到咁嘅天氣，好驚一陣乜景都睇唔到。
好彩晏d，d霧就散晒喇。不過有少少雨，係咁多日旅程唯一一日落雨。
到咗札格勒布，首先去睇聖母昇天大教堂。大教堂建於13世紀，不過而家見到嘅外觀，係1880年大地震後重建嘅。
聖母昇天大教堂對出個教堂廣場上有個黃金聖母雕像，下面4個天使分別代表信(Faith)、望(Hope)、純潔(Innocence)同謙卑(Humility)。
經過著名嘅露天市場
聖母昇天大教堂百幾米高嘅尖塔，離遠都望得到。
見到聖佐治屠龍像，轉上去就係石門。
石門又叫卡米尼達拱門(Kamenita vrata)。
石門內有聖母瑪利亞嘅畫像。據說，1731年石門遭遇大火，只有聖母像冇事，所以後來用精緻嘅鐵門保護住聖母像，俾人過黎朝聖。
石門其實都唔只係一個景點，仲係通往舊城中心嘅主要通道。穿過去就係聖馬可教堂喇。
聖馬可教堂建於13世紀
最出名就係鋪馬賽克嘅屋頂。左邊個圖案係代表當時嘅三個王國。右邊個圖案係札格勒布嘅市徽。
聖馬可教堂係上城區嘅中心點，隔離仲有國會、總統府、法院。
分手博物館，d情侶分手後可以將以前d訂情信物放喺度。
聖凱薩琳教堂係札格勒布最靚嘅巴洛克式教堂。
洛斯卡克塔(Kula Lotrscak)，以前係作防禦之用。
洛斯卡克塔前有個觀景台可以俯瞰札格勒布。
旁邊仲有人賣爆谷。
跟住就行去捷拉斯加廣場。
捷拉斯加廣場就等於香港嘅時代廣場。
廣場上有捷拉斯加(Josip Jelacic)嘅騎馬像。捷拉斯加係十九世紀克羅地亞嘅軍事同政治家。佢曾經抵禦外敵，又廢除奴隸制度，係克羅地亞嘅民族英雄。
跟住又行返黎聖母昇天大教堂，因為午餐餐廳就喺教堂對面。
午餐
豬扒真係鞋到冇朋友，一定要飲水先吞得落。
食完午餐就行埋杜密斯拉夫廣場(Trg Kralja Tomislava)。
杜密斯拉夫廣場上有一座杜密斯拉夫嘅騎馬像。杜密斯拉夫係克羅地亞第一位國王。後面黃色嘅係有過百年歷史嘅美術館(Umjetnicki Paviljon)。
廣場對面係札格勒布火車站，橫貫歐洲嘅東方快車都會停札格勒布。
酒店晚餐
食完飯去咗超市行一陣，酒店好方便，有條樓梯通去當地超市。只係買咗少少野，簽卡冇問題。成個trip，去8個國家，但有6個國家用自已貨幣，唔用歐羅。不過好在可以簽卡，唔使度度都換錢咁麻煩。
買完野就返房休息。
巴爾幹半島 DAY 1+2 (盧比安娜、碧湖)
巴爾幹半島 DAY 4 (普箂維斯--十六湖國家公園、薩拉熱窩)
巴爾幹半島 DAY 5 (薩拉熱窩、莫斯塔爾)
巴爾幹半島 DAY 6 (杜邦力)
巴爾幹半島 DAY 7（高塔爾、巴杜華）
巴爾幹半島 DAY 8 (克魯亞、提拉那)
巴爾幹半島 DAY 9 (奧赫里德、斯科比亞)
巴爾幹半島 DAY 10 (里拉修道院、索菲亞)
巴爾幹半島 DAY 11 (維勒托洛禾山城)
巴爾幹半島 DAY 12 (布加勒斯特、布拉索夫)
巴爾幹半島 DAY 13+14 (布拉索夫、錫納亞)
終於自己一個人成行，自由自在都好，費事就人，咁睇嚟星晨都可以喎...，不過話時話旅行都要有少少運仔先得，雨天睛天都好難約定...
回覆刪除我舊年跟著妳去俄羅斯都幾好玩，依家大旅行太貴，要幾萬銀團費。
係呀，以哩個團黎講，星晨真係好抵玩。初時真係驚架，以前我又未跟過星晨。但玩咗頭幾日，d團友已經講哩個團超抵。
刪除我都真係算好彩，天氣好好，咁多日以黎，只係喺札格勒布落咗一陣小雨。去到最尾一日布拉索夫，當地導遊都話我地好好彩，因為布拉索夫當時天氣好好，但下星期開始落雪。
你好呀！我都睇中咗呢個團，打算明年四月去，而家見你啲行程、團餐、酒店都幾好就放心啦！唔知星晨帶歐洲團得唔得到，另外好羨慕你一個人去旅行，如果我可以克服到一個人住酒店，我都會一個人去，唔須要就人幾好呀！
回覆刪除你好!我覺得哩個團真係好抵，星晨我都係第一次參加，住宿、服務、行程安排我覺得都OK啦。你4月去應該天氣都會幾好，真係千祈唔好夏天去，一定熱死。因為哩個團都比較多山路要行，杜邦力個城牆啦、奧赫里德個撤母耳城堡啦，仲有維勒托洛禾山城，全部都係冇遮冇擋下行斜路。
刪除一個人住一間房，好free，開始愛上一個人去旅行XD。