溫泉蛋好正，不過驚膽固醇過高，煎蛋只食左蛋白。
食完早餐就去駱駝商隊旅館(Caravanserai)。絲路係歷史上一條好重要嘅商路，土耳其就喺哩條商路上。當時政府興建駱駝商隊旅館俾d商人休息、住宿。商人住頭3晚係免費的，因為佢地黎做生意，政府係要抽稅，都係當時政府嘅重要收入來源。冬天時，商人同駱駝會住室內，夏天，駱駝就要瞓室外。
駱駝商隊旅館外
之後要搭5,6個鐘車先去到首都安哥拉(Ankara)，當然中間會有休息站。
途中經過鹽湖(Saltlake)，其實嚴格黎講佢唔算一個湖，只係一個淺灘，不過面積都幾大。而水裏嘅鹽唔可以食用，只作工業用途。初時領隊話會落一落車影相，但過晒鹽湖都唔覺司機想停車。後來先話落雨，所以唔停車。其實我覺得係領隊同導遊溝通上有問題，好彩我喺車上都叫影左兩張相。不過如果早知唔落車，我就影多幾張啦。
跟住食午餐
d雞係4個人分
經過長車程，終於到左首都安哥拉嘅國父紀念館(Antikabir)。土耳其國父叫凱末爾(Mustafa Kemal)，本身係一個軍人，後來成為土耳其第一任總統。
國父紀念館都幾大，有好多凱末爾嘅遺物同照片。由於有外國政要黎到，我地唔可以靠近哩個館。不過我覺得好好笑，因為我地入黎前，人要經過x光機，跟住可以上返車，之後唔需要經過安檢就入到黎。如果我車上放左炸彈，過完x光先再攞落黎都得啦。
D士兵都幾nice，佢地叫我企中間架。咁就可以知道大家身高有幾懸殊。
哩個士兵終於出左黎企，初初見佢企喺玻璃箱入面好似好古怪
去完國父紀念館再搭多3小時車就去到Bolu。哩度係一個高原，其實都只係千幾米。好多運動員都會黎哩度集訓。我地黎只係瞓一晚。
酒店房外
酒店個花園都幾靚
自助晚餐好好食，好掛住個芝士通粉批
土耳其 DAY 1+2 (杜拜、伊斯坦堡)
土耳其 DAY 3 (伊斯坦堡、藍廟、聖蘇菲亞大教堂、杜柏奇皇宮、地下宮殿、博斯普魯斯海峽遊)
土耳其 DAY 4 (特洛伊古城、巴格門古城)
土耳其 DAY 5 (以弗所古城、棉花堡)
土耳其DAY 6 (地下棉花堡、地下城)
土耳其 DAY 7 (加柏都斯亞、希臘村、仙境煙窗、駱駝石、石中教堂、地氈村、肚皮舞)
土耳其DAY 9+10 (杜瑪伯爵皇宮、大市集)
沒有留言:
張貼留言