晨早MORNING CALL食早餐
成個巢食??
伊斯坦堡係唯一一個橫跨歐亞兩洲的城市
第一站去藍廟(Blue Mosque)，藍廟其實都唔算好藍，我覺得最特別係有6個宣禮塔。
入藍人人都要脫鞋，女士就要包埋頭。時間尚早，所以未有太多遊客，都未有信徒朝拜。
由藍廟步向聖蘇菲亞大教堂(St.Sophia)
轉身再影藍廟
聖蘇菲亞大教堂
在聖蘇菲亞大教堂跟藍廟中間的廣場，可清楚見到藍廟的6個宣禮塔。原本只有聖城麥加的大清真寺先有6個宣禮塔，但建藍廟時傳聞搞錯左，誤把金色聽錯成6座。最後為表示對麥加嘅尊敬，多送一座宣禮塔俾麥加。所以藍廟係唯一擁有6座宣禮塔嘅清真寺。
杜柏奇皇宮(Topkapi Palace)就在聖蘇菲亞大教堂旁，在步向杜柏奇皇宮時注意力被聖蘇菲亞大教堂吸引住。而皇宮的入口平平無奇，令我一度以為杜柏奇皇宮就係聖蘇菲亞大教堂，真係笑死人。
杜柏奇皇宮座落於舊城區，係昔日鄂圖曼帝國蘇丹王嘅皇宮
杜柏奇皇宮可望到博斯普魯斯海峽、金角灣同馬爾馬拉海峽。
遠眺歐亞大橋
皇宮可欣賞世上第二完美嘅鑽石。
今次真係去聖蘇菲亞大教堂喇
聖蘇菲亞大教堂現己改成博物館，佢原本係天主教嘅教堂，後來伊斯蘭教嘅入主，令佢變成一座伊斯蘭教清真寺。但教堂內仍保留住天主教嘅色彩。
我最鍾意佢個圓拱頂，聖蘇菲亞大教堂只需一個圓頂就可以支持整座教堂。藍廟都唔只一個圓拱頂啦。
淚柱，好多人排隊去轉。傳聞用手轉一整圈就可以令人不藥而癒。
好有特色嘅阿拉伯牌匾
壁畫
聖母抱子壁畫
聖蘇菲亞大教堂
睇完教堂就去地下宮殿(Underground Water System)。地下宮殿係君士坦丁大帝下令興建的，佢唔係真係一個宮殿，佢係一個貯水池。自古以來，「確保水源」都係伊斯坦堡面對嘅一大難題。到君士坦丁大帝興建左貯水池，水源問題就得以解決。
地下宮殿內有三百幾根柱，最特別就係哩兩根蛇髮女妖嘅柱
地下宮殿入口
行完地下宮殿就行去食午餐。途中經過一個廣場，有德國送的噴泉。
仲有方尖碑
前面有半條蛇柱，唔記得有咩特別添........
午餐
食完飯去遊船河，車上見到引水道。以前就係用哩D引水道引水去地下宮殿。
博斯普魯斯船河(Bosphorus Cruise)
四月嘅伊斯坦堡唔太凍，十幾二十度。但遇上落雨再加狂風，搞到個個要在路邊開喼攞厚褸。
遊完船河就搭個幾兩個鐘頭車返酒店
今晚住華美達
酒店大堂
酒店露台外
我個人比較心急，一返酒店就覺得好熱。冷氣調到17度都仲覺熱，於是打電話問酒店點算。佢話我哩個電話令佢好surprise，佢只係叫我熄冷氣，因開冷氣等於暖氣。咁我地唯有開露台門啦。其實開左一陣，都開始覺得涼涼地。這裡晚上，的確係唔需要冷氣。我個電話令個酒店職員唔知點答，真係唔好意思。
酒店自助餐都幾好食
土耳其 DAY 1+2 (杜拜、伊斯坦堡)
土耳其 DAY 4 (特洛伊古城、巴格門古城)
土耳其 DAY 5 (以弗所古城、棉花堡)
土耳其DAY 6 (地下棉花堡、地下城)
土耳其 DAY 7 (加柏都斯亞、希臘村、仙境煙窗、駱駝石、石中教堂、地氈村、肚皮舞)
土耳其 DAY 8 (駱駝商隊旅館、鹽湖、國父紀念館)
土耳其DAY 9+10 (杜瑪伯爵皇宮、大市集)
沒有留言:
張貼留言