土耳其DAY 6 (地下棉花堡、地下城)

今日又有長車程，所以未夠六點已經要起身。食完早餐就去地下棉花堡(Underground Cotton Cave)。

行近入口，聞到一陣陣硫磺味，都唔算太臭，可以接受。

 成個地下棉花堡面積唔大，好快就行晒，景觀都還算可以。

入口處有個水池，養左D鴨。導遊頭先行車途中落一落車就係買麵包，等我地參觀完地下棉花堡出黎可以餵鴨。哩隻狗好醒，我地架車未停定已經老遠跑過黎，知道有車到就有食物到。


 行完地下棉花堡就要開始漫長車程，去奇石林。休息站見到藍眼擺設好靚。

 休息站有得賣乳酪，我唔敢食，不過影下相都好。

 乳酪混埋D罌粟籽。

 休息站再行車兩小時就到食午餐嘅地方

 芝士薄餅


 甜品任食



 再要行多大約4小時先到加柏都斯亞(Cappadocia,即奇石林)範圍內嘅地下城(Underground City)，途中見到好多大片草原。

 地下城係以前一D基督教傳教士為左逃避伊斯蘭教徒而建。地下城內設備齊全，有水井、廚房、廁所、倉庫等等。





 地下城內嘅通道又矮又窄，我有天然優勢先唔會頂頭，好多人都要彎腰先行得過。


 地下城外有好多小販賣D唔知咩公仔，公仔塊面白色，好恐怖的。不過最搞笑係D小販見人行埋去就會群起叫賣。我初時喺入口處唔知，以為有一大群雀仔叫。

行完地下地就返酒店，酒店在奇石林內。



 有按摩池，不過我唔敢浸

 好彩酒店食物唔錯，哩間酒店要住兩晚。







土耳其 DAY 1+2 (杜拜、伊斯坦堡)
土耳其 DAY 3 (伊斯坦堡、藍廟、聖蘇菲亞大教堂、杜柏奇皇宮、地下宮殿、博斯普魯斯海峽遊)
土耳其 DAY 4 (特洛伊古城、巴格門古城)
土耳其 DAY 5 (以弗所古城、棉花堡)
土耳其 DAY 7 (加柏都斯亞、希臘村、仙境煙窗、駱駝石、石中教堂、地氈村、肚皮舞)
土耳其 DAY 8 (駱駝商隊旅館、鹽湖、國父紀念館)
土耳其DAY 9+10 (杜瑪伯爵皇宮、大市集)