就係哩間酒店住兩晚。今日係第一日六點後先MORNING CALL(因為要就返玩熱氣球嘅團友)，不過之前幾晚慣左早醒，晨早已彈左起身，咁慢慢落去嘆個早餐啦。
酒店環境都幾好
之後正式玩加柏都斯亞(Cappadocia)。首先去希臘村(Cappadocia Village)俯瞰加柏都斯亞。加柏都斯亞(奇石林)東西兩邊有兩座火山，數百萬年來經歷火山爆發，岩漿冷卻、凝固、沉積後再經風吹雨打同風化作用，形成今日嘅面貌。
哩度真係超級大風，吹到成面、成口、兩隻耳孔都係沙。唔怪得今朝D團友玩唔成熱氣球啦。可能都係咁強勁嘅風先可以將D石打磨到咁特別嘅形狀。
見到幾舊蘑菇石
跟住就去地氈村(Carpet Village)。世界上最著名嘅地氈出產國係波斯、 中國同土耳其。而哩三個地方嘅人手製地氈，只有土耳其係用雙結。而材料主要係羊毛同絲，價錢就以材料、地氈大小同密度而定。
講解員會詳細介紹每張地氈，你仲可以用腳踩下(當然要脫鞋)，感受下個質感，而且仲有紅酒、白酒、蘋果茶、咖啡俾你飲(不過每人只係ORDER1杯)。
地氈村外嘅茶座
哩D酒嘅造型好得意，係蘑菇石。
之後去左駱駝石，我地冇時間行過去，只係遠觀。
駱駝石對面有拿破崙石，話似拿破崙頂帽喎。
之後搭車去食午餐
貓出沒注意
午餐餐廳喺石中
好似聰明笨伯個場景
間餐廳有養貓的，有個cat inn
食完午餐就去石中教堂(Open Air Museum)。石中教堂有D人叫露天博物館，石洞內有好多教堂，係以前D基督教徒逃避伊斯蘭教嘅迫害黎到哩度建嘅。洞內不准拍照，其實好多都好細，壁畫好多都已經被破壞。
哩個黑教堂係要另外收費嘅，我地冇入去。不過見人地嘅相，佢入面D壁畫比較完整。
行完石中教堂食左哩檔土耳其雪糕，食落又唔似表面睇嘅咁煙韌，味道都同香港嘅雪糕差唔多，所以我有D懷疑哩檔唔知係咪唔正宗。
當我食完雪糕，領隊先話帶我地去食雪糕。喺哩個地方停車，環境又幾靚喎。我諗奇石林處處都係景。
之後又帶我地去一個而家仲有人住嘅村，行程冇寫嘅，所以都唔係好記得個名。不過而家D人係住哩舊石嘅後面，D屋依山而建，而且五顏六色都幾特別的。
下午四點幾就返酒店，仲有咁長時間先食飯，我地沖左涼先啦，今日真係成身都係沙。
沖完涼落去酒店食自助晚餐
食完晚餐就去洞穴夜總會睇肚皮舞
小食、飲品都係任食任飲的
芝士春卷好正
首先會跳旋轉舞，本身係宗教儀式，所以跳緊時唔俾影相。到佢差唔多跳完開左燈，會跳多兩步俾你影相。
之後有民族舞
最後到肚皮舞
佢地跳民族舞同肚皮舞時都會邀請遊客出去一齊跳，都好熱鬧。
沒有留言:
張貼留言