哩間酒店真係無論早餐定晚餐都冇啖好食，我見有人帶杯麵落餐廳食。
酒店房望到愛琴海
晨早五點幾起身就係陪人去皮革店shopping
有fashion show睇
其實都ok好睇的
之後去show room shopping，果度d人好進取，都識講小小廣東話，又成日叫你試下。我都話左我肥，唔適合著，佢死追住我叫我試，話試下唔洗錢..........哩d閒閒地都5,6千港幣嘅皮褸邊啱我，但真係有幾個團友買架。
出去皮革店外面影相好過
去完皮革店，坐一陣車就去到以弗所古城(Ephesus)。以弗所係古羅馬時期嘅商業及宗教重鎮，都係中亞地區保存得最好嘅羅馬古城。約翰就喺哩度完成聖經嘅以弗所書，聖母晚年都喺度傳道。
議事廳
古時郵局的標誌
古時醫院的標誌，沿用至今。而家救護車嘅車身，都有哩個標誌。
勝利女神，NIKE個logo就係參考佢長裙飄曳嘅神態
古時富貴人家地板係鋪馬賽克的
公廁
座廁前嘅坑係洗手用的
任摸貓
圖書館
圖書館門前嘅4個女神像保全得好完整
妓院廣告
可以容納二萬五千人嘅劇院
行完以弗所，搭車去食lunch。發現紀念品店門外的地上都有藍眼。土耳其藍眼係用黎僻邪的。
午餐食自助餐，菜色普普通通
但餐廳種嘅玫瑰好靚
食完午餐就去棉花堡(Pamukkale)，途中見到雪山
搭左3個幾鐘車去到棉花堡
首先經過一個古城
行左大約十分鐘就見到棉花堡喇。棉花堡由於有豐富礦物質嘅溫泉水流過，造成獨特嘅雪白階梯形。要親親棉花堡就先要脫鞋，必須要赤腳。
水中嘅石好跣，真係步步驚心。我唔敢行太遠，怕唔小心跌落水，部相機就要報銷。
其實棉花堡有好多地方都已經冇水了，因為四圍好多酒店都會抽左棉花堡d水俾住客浸溫泉。都唔明當地政府點解唔好好保育，浸溫泉真的很重要嗎???
行返去停車場，途中見到好多地方已經乾左，真係覺得好可惜。
今晚我地住棉花堡其中一間溫泉酒店，不過我冇去浸溫泉。
酒店晚餐都唔錯
土耳其 DAY 3 (伊斯坦堡、藍廟、聖蘇菲亞大教堂、杜柏奇皇宮、地下宮殿、博斯普魯斯海峽遊)
土耳其 DAY 4 (特洛伊古城、巴格門古城)
土耳其DAY 6 (地下棉花堡、地下城)
土耳其 DAY 7 (加柏都斯亞、希臘村、仙境煙窗、駱駝石、石中教堂、地氈村、肚皮舞)
土耳其 DAY 8 (駱駝商隊旅館、鹽湖、國父紀念館)
土耳其DAY 9+10 (杜瑪伯爵皇宮、大市集)
沒有留言:
張貼留言