土耳其 DAY 4 (特洛伊古城、巴格門古城)

晨早六點已在吃早餐，華美達嘅早餐也不錯

 之後同我地架旅遊車一齊搭船橫跨達達尼爾海峽，船程大約20分鐘。



終於到左特洛伊古城(Troy)。特洛伊之所以咁出名，因為古希臘詩人荷馬寫過一場戰爭木馬屠城記，地點就在特洛伊。我出發前特登睇返畢彼特套木馬屠城記架!!

起初大家都以為荷馬寫嘅都係虛構的，但後來有人真係發現左特洛伊這座古城，都證實左曾經發生過戰爭。至於哩隻木馬，當然係仿製品啦。

 古城經歷過無數戰火、天災，而家只餘下頹垣敗瓦。





木馬內

木馬尾部




 遊完特洛伊古城，在附近食午餐


 團友主菜選擇食雞

 我選擇食魚，好大條~~~
 甜品

 食完午餐，搭多三個幾鐘頭去巴格門古城(Pergamon)。

 乘纜車上古城

纜車站對出就有幾檔賣紀念品，有好多特色小袋仔、藍眼掛飾。哩度係最平，d人仲要識講小小廣東話。猛話:唔洗錢、5蚊7個(土耳其里拉5蚊大約港幣廿蚊，5里拉7個小袋仔的確係我見過最平嘅)。哩度d人好鬼熱情，成日同你講野都痴到好埋。當你買心形掛飾時又會話哩個係佢個心，真係笑死。

 巴格門係古希臘最繁盛嘅古城之一，更有號稱當時世界第二大嘅圖書館。而家古城仲可以見到「圖拉真神殿」、「雅典娜神殿」同「希臘式劇場」。











 落山

 之後搭左約4小時車去到古薩達斯嘅ALISH酒店。到酒店時已經係晚上九點幾，酒店餐廳都已經冇咩好食。起初以為得沙律同湯，後來發現第二邊有飯同熱盤。

 但熱盤得兩三款，於是好多團友圍住廚師等煎魚。但廚師仍然好從容不迫地煎魚，煎呀煎，煎呀煎，煎左十幾分鐘終於煎好。但D魚一煎好放落個盤度，居然有團友插隊搶魚，叫佢排隊佢仍然笑笑口不理，繼續搶。我地哩D執輸行頭慘過敗家嘅唯有等廚師煎過第二盤魚.........哩件搶魚事件都令廚師陰陰咀笑，其實佢都有責任叫人排隊，仲掛住笑!!!!!可怒也!!!!!!!
 酒店係咁多晚最差嘅，廁所對住床。床上嘅被薄到似床單。唯一叫做可取嘅咪房間望到愛琴海囉。




土耳其 DAY 1+2 (杜拜、伊斯坦堡)
土耳其 DAY 3 (伊斯坦堡、藍廟、聖蘇菲亞大教堂、杜柏奇皇宮、地下宮殿、博斯普魯斯海峽遊)
土耳其 DAY 5 (以弗所古城、棉花堡)
土耳其DAY 6 (地下棉花堡、地下城)
土耳其 DAY 7 (加柏都斯亞、希臘村、仙境煙窗、駱駝石、石中教堂、地氈村、肚皮舞)
土耳其 DAY 8 (駱駝商隊旅館、鹽湖、國父紀念館)
土耳其DAY 9+10 (杜瑪伯爵皇宮、大市集)