俄羅斯 DAY7(聖彼得堡--彼得與保羅城堡、喀山大教堂、尼華大街、滴血教堂、尼古拉宮晚餐)

早餐好好食

 黎左俄羅斯咁多日，今日先開始遇到落雨，都算好彩。



 黎哩度主要睇獅身人面像，不過我覺得尼華河對岸好睇D。


 勝利柱


 對岸係彼得與保羅城堡

 冬宮








 
彼得與保羅城堡建於1703年，由彼得大帝設計，要黎保衛波羅的海嘅出海口免受瑞典攻擊。入面最吸引人就係彼得與保羅大教堂。



 彼得與保羅大教堂



 皇帝做禮拜的位置。天主教做禮拜可以坐，所以天主教教堂有好多櫈。但東正教教徒做禮拜要企，皇帝都唔例外，不過佢企嘅地方比人靚得多。

 阿歷山大二世同皇后嘅墓碑

彼得大帝嘅墓碑，由彼得大帝開始，之後嘅皇帝皇后都係葬喺哩度地下兩至四米深。而家見到嘅係墓碑，唔係棺材。

 由右至左係彼得大帝、皇后嘉芙蓮一世同女兒伊莉莎伯一世嘅墓碑

 伊莉莎伯一世後面係嘉芙蓮二世(凱薩琳大帝)嘅墓碑
睇完教堂行返出黎
 
周街都有得賣木套娃娃
 
午餐又食中餐
 
喺聖彼得堡食嘅中餐全部都係喺哩間酒樓食，係連鎖的。不過佢地學中式酒樓，但做D唔做D。好多時D枱係長枱，9個人一張長枱，夾餸好麻煩，好心整張圓枱啦。

食完飯就去自費節目，就係喀山大教堂、尼華大街同滴血教堂。

喀山大教堂座落於尼華大街，最特別有個弧形側翼柱廊。嘉芙蓮二世(凱薩琳大帝)個仔保羅一世喺度舉行婚禮。作曲家柴可夫斯基喺度舉行葬禮。而家係聖彼得堡地位最祟高嘅教堂之一，入面都唔俾影相。




 喀山大教堂對面係好出名嘅書店，遠處仲見到滴血教堂。睇完喀山大教堂就自由活動，行下尼華大街。尼華大街就好似彌敦道一樣咁繁榮。








 好出名嘅甜品店，不過我冇食到甜品。




 甜品店櫥窗


 隧道內都好多小店


 由書局二樓影返喀山大教堂

 跟住去滴血教堂，滴血教堂又叫基督復活大教堂。係紀念阿歷山大二世在此遇襲身亡而建。阿歷山大二世係個好善良嘅皇帝，佢改善左農民嘅生活，但同時亦引起另一Ｄ階層嘅人不滿。佢之前俾人殺６次都唔成功，到第７次終於成功被殺。其實原本哩次都唔成功，已經捉到兇手。但阿歷山大二世要親自問下個行兇者點解要殺佢。就係哩個時間，御林軍冇搜查清楚，個兇徒手持炸彈炸斷左阿歷山大二世雙腳，兩個鐘後失血過多死亡。所以哩度叫滴血教堂或濺血教堂，阿歷山大二世真係喺度遇襲流血的。設計師以聖巴素大教堂作藍本，我覺得仲靚過聖巴素大教堂。



 滴血教堂內好多壁畫，全部都係用馬賽克鋪成。所以係一個馬賽克博物館。





 阿歷山大二世就喺哩個位置遇襲，仲保留返當時路上嘅石頭。

 馬賽克嘅顏色全部都係天然嘅



滴血教堂入口


 跟住去一間國貨公司行一陣

再去尼古拉宮食晚餐+睇民族舞表演
 尼古拉宮係末代皇帝尼古拉二世嘅皇宮



 食俄羅斯大餐











 食完就過隔離個大廳睇民族舞


 表演中場休息會有小點心食





俄羅斯 DAY1 (莫斯科)
俄羅斯 DAY2 (莫斯科--克里姆林宮、紅場、列寧山、軍事博物館)
俄羅斯 DAY3 (莎哥斯基古城、莫斯科--經濟成就展覽館、莫斯科地鐵站、夜遊紅場)
俄羅斯 DAY4 (莫斯科、諾夫哥洛德古城)
俄羅斯 DAY5(諾夫哥洛德古城--尤里耶夫修道院、藝術木材博物館、克里姆林宮)
俄羅斯 DAY6(聖彼得堡--彼得夏宮、聖埃薩大教堂、隱士盧博物館)
俄羅斯 DAY8+9(聖彼得堡--嘉芙蓮夏宮)