酒店早餐
聖彼得堡係同威尼斯一樣，好多橋、多島、多河。
第一站去彼得夏宮，彼得夏宮係彼得大帝下令興建嘅，建於1714年。花園一直伸延到芬蘭灣，係彼得大帝一直渴望得到嘅波羅的海出海口。
冬天噴泉唔開，有人進行維修
最遠處就係芬蘭灣
行出去睇下芬蘭灣
芬蘭灣
彼得夏宮入面唔俾影相，噴泉又冇開，所以唯有買本書睇下。
噴泉開左會靚好多。
跟住就去聖埃薩大教堂，聖埃薩大教堂係聖彼得堡最大嘅東正教教堂。教堂四面各有16根大石柱托起，內部用左大理石、玉石、天藍石、斑岩等材料建成。
聖埃薩大教堂嘅設計師，起左聖埃薩大教堂之後聲名大噪。話說設計師有一日遇見一個乞丐，個乞丐話佢做完大事之後就會死，於是佢將聖埃薩大教堂起左40年，完成後一個月真係死左。佢係咪真係遇見乞丐我就唔知，不過教堂真係起左40年。喺起完之後嘅開幕儀式，佢喺寒風中等遲到嘅皇帝等左成個鐘，之後就得肺炎死左。
最右邊個聖埃薩大教堂係彼得大帝時建嘅，隔離果個係彼得大帝個女伊莉莎伯一世時擴大左。不過當時仲係木製嘅。
到嘉芙蓮二世(凱薩琳二世)開始大擴建
阿歷山大一世時擴大到現今嘅模樣，不過佢未見到教堂建完就死左，最後到尼古拉一世才建完。
王門上方係最後的晚餐
聖母
聖埃薩，係彼得大帝嘅守護神
跟住去食午餐
食完午餐去冬宮，即係隱士盧博物館。隱士盧博物館係世界三大博物館之一，其他兩個係大英博物館同羅浮宮。有人話係世界四大博物館之一，包括埋紐約大都會博物館。哩D幾大博物館都係D人自己講，是但啦。總之隱士盧博物館係世界知名嘅博物館啦。
隱士盧博物館曾經係沙皇嘅宮邸，到嘉芙蓮二世(凱薩琳二世，彼得大帝嘅孫新抱)收藏好多藝術品、名畫。到而家館內嘅展品多達300萬件。
木乃伊
隱士盧博物館其實除冬宮外仲由幾個唔同嘅宮殿組合而成，每個宮就係由哩D橋連接。
孔雀石廳，哩個係一舊巨大孔雀石原石雕刻而成，放左黎哩個廳之後一直冇轉過位置，因為實在太大太重。
哩個花瓶係上半部代表天堂，下半部代表地獄。
哩幅畫叫《浪子回頭》，老人家嘅三兒子喺老豆未死時就要求分身家，之後遠走高飛。老人家好傷心，但當三兒子返黎時老人家依然原諒佢。畫家用老人家嘅愛代表上帝對世人嘅愛。旁邊兩個係大兒子同二兒子。
達文西嘅兩幅真跡《聖母子》，係鎮館之寶。
哩幅畫叫《偷情》，門口個婆婆唔係偷窺，佢係幫手睇水。
拉斐爾走廊係1780年代嘉芙蓮二世命令建築師參考梵蒂岡個拉斐爾室修建嘅。建築師仲率領畫家團去梵蒂岡將壁畫臨摹返黎。以而家嘅講法，算唔算侵犯版權?
米高安哲羅嘅真跡作品叫《縮成一團的小伙子》，雕像表現左小伙子的壓力很大。
哩個綠色花瓶係由一塊塊嘅孔雀石拼貼上去，係俄羅斯的馬賽克。
哩幅畫叫《殺豬》，題材開始草根化，唔再畫極都係聖經故事、皇室、戰爭。
哩幅畫叫《獵狗》，隻狗有得食有得住，但仍然唔開心，因為佢冇自由。狗屋上方寫有狗名，同時都係畫家個名。畫家因為就結婚，覺得冇自由，所以畫左哩幅畫。
德國版的清明上河圖，描繪草根生活。
天花的花紋同地板係對應的。
皇帝寶座
阿歷山大一世(打敗拿破崙嘅俄國皇帝。由彼得大帝開始，唔再用沙皇哩個稱號，因為佢想西化。但而家仍然好多人叫佢地做沙皇，我都唔知算唔算錯)
皇帝做禮拜嘅地方
遠睇聖埃薩大教堂
尼古拉一世騎馬銅像
車遊彼得大帝騎馬銅像，嘉芙蓮二世下令鑄造嘅。喺1782年，佢執政20周年紀念時舉行落成儀式。佢以彼得大帝嘅繼承人自居。
聖彼得堡街頭
晚餐
之後去睇芭蕾舞表演，劇目係天鵝湖。
俄羅斯 DAY1 (莫斯科)
俄羅斯 DAY2 (莫斯科--克里姆林宮、紅場、列寧山、軍事博物館)
俄羅斯 DAY3 (莎哥斯基古城、莫斯科--經濟成就展覽館、莫斯科地鐵站、夜遊紅場)
俄羅斯 DAY4 (莫斯科、諾夫哥洛德古城)
俄羅斯 DAY5(諾夫哥洛德古城--尤里耶夫修道院、藝術木材博物館、克里姆林宮)
俄羅斯 DAY7(聖彼得堡--彼得與保羅城堡、喀山大教堂、尼華大街、滴血教堂、尼古拉宮晚
餐)
俄羅斯 DAY8+9(聖彼得堡--嘉芙蓮夏宮)
沒有留言:
張貼留言