俄羅斯 DAY3 (莎哥斯基古城、莫斯科--經濟成就展覽館、莫斯科地鐵站、夜遊紅場)

NOVOTEL酒店的早餐



 彼得大帝銅像，係俄羅斯最大嘅紀念雕像，高98米。

 銅像旁係有名的朱古力廠

朱古力廠就係哩個牌子，成個俄羅斯都有得賣，仲有好多唔同款。

 跟住去自費嘅莎哥斯基古城。我初初好驚D團友唔去自費活動搞到我都冇得去，因為佢幾個自費活動都好值得去。不過哩個領隊醒目，第一日已經派自費節目表俾我地，圈住會去邊D地方，仲計埋價錢俾我地，話當我地去晒，如果唔去先個別同佢講。我即刻安樂晒，咁即係去硬。不過可能有D人會唔鍾意，覺得佢逼人去，但我好BUY佢咁做，以前試過兩三次因為好多團友唔去自費景點搞到我都冇得去，我真係懷恨在心。好心D人啦，去得旅行都唔爭在少少錢啦。

莎哥斯基古城係「金環古城」嘅其中一個，蘇聯時期叫莎哥斯基，而家恢復原名叫謝爾吉耶夫鎮。不過我都係覺得莎哥斯基古城好聽D，而家旅行社嘅行程仲係叫莎哥斯基古城。



 步向莎哥斯基古城



 莎哥斯基古城入口



 莎哥斯基古城城門





 莎哥斯基古城內，餐廳教堂，以前係食堂同圖書館，而家係教堂。





 壁畫--阿當、夏娃犯錯前

 壁畫--阿當、夏娃犯錯後

 東正教教徒做禮拜會錫聖像

 聖像周圍有聖人生活圖片，導遊話係比較少見。

 莎哥斯基古城內嘅聖三一修道院，建於1423年。


 聖三一修道院+鐘樓



 鐘樓+聖母升天大教堂

 聖母升天大教堂

又玩自拍，可惜都唔係影得好好，唔係影唔晒個景就影唔晒個樣。

好多人排隊攞聖水，因為相傳聖水可以治病，曾經有盲人飲完聖水就開眼。


 聖母升天大教堂


 聖母升天大教堂內





聖靈教堂

 修士

 莎哥斯基古城內有好多修士，因為哩度有間神學院


  好鍾意聖母升天大教堂個藍色洋蔥頂，藍色係代表聖母。




 真係有人攞聖水返屋企的，仲咁大桶，唔怕重都好好嘢。

 莎哥斯基古城外


 莎哥斯基古城係俄羅斯境內最大嘅木套娃娃生產中心，所以周圍有好多木套娃娃賣


 行完古城去食午餐，午餐餐廳



 午餐餐廳外望到古城內的建築




 食完午餐就返莫斯科，去經濟成就展覽館。入面個民族少女噴泉冬天唔開，周圍圍住俾人滑雪。




經濟成就展覽館內嘅燈係小麥造型


 一個人的浪漫，如果我條腿有咁長就好啦。



 睇完展覽館就食晚餐

 食完晚餐去坐地鐵。哩個係共青團站



 莫斯科地鐵站好深，條電梯好長。


共青團站嘅月台真係好似宮殿一樣。每個莫斯科地鐵站都有自己嘅特色，真係好靚。




 莫斯科地鐵路線圖

 莫斯科地鐵每程只需要大約港幣5蚊，而且不限距離，不限時間任搭，只要你唔出閘，搭幾耐都係5蚊。不過莫斯科塞車問題仍然好嚴重，導遊話因為D人愛面子，要揸車返工放工。好彩我地喺莫斯科果幾日係星期六日，所以冇咁塞車，唔會影響行程。



 跟住去左唔知咩站，導遊講左個中文站名我聽，不過係譯名，冇咩意思，所以我唔記得左。不過哩個站就係我地酒店個站

 之後去埋白俄羅斯站，天花浮雕同D畫都充滿白俄羅斯特色。




 之後仲夜遊紅場。原本行程冇夜遊的，不過司機同導遊都話我地遠道而來，帶埋我地去睇下。領隊話佢地兩個好好，好多導遊都係叫你自己搭地鐵黎就算。








 夜遊完紅場，去左酒店附近行下，哩個係地鐵站

 酒店附近的商場



俄羅斯 DAY1 (莫斯科)
俄羅斯 DAY2 (莫斯科--克里姆林宮、紅場、列寧山、軍事博物館)
俄羅斯 DAY4 (莫斯科、諾夫哥洛德古城)
俄羅斯 DAY5(諾夫哥洛德古城--尤里耶夫修道院、藝術木材博物館、克里姆林宮)
俄羅斯 DAY6(聖彼得堡--彼得夏宮、聖埃薩大教堂、隱士盧博物館)
俄羅斯 DAY7(聖彼得堡--彼得與保羅城堡、喀山大教堂、尼華大街、滴血教堂、尼古拉宮晚
餐)
俄羅斯 DAY8+9(聖彼得堡--嘉芙蓮夏宮)