德國 Day 9+10 (基姆宮、慕尼黑)

今日係旅程嘅最後一日，時間過得真係快。今日嘅第一站係基姆宮，又係Ludwig II建嘅，不過又係未起好。哩個宮係建喺基姆湖上面嘅一個島上，哩個島叫男人島，以前真係唔俾女人嚟架，係d神職人員喺度生活嘅。基姆湖上都有女人島，不過我地冇去啦。因為基姆宮建喺湖上，所以一定要搭船啦。哩度係碼頭附近見到嘅小火車。






 男人島上嘅花，幾靚喎，我鍾意紫色。
 哩個就係基姆宮喇，真係似凡爾塞宮喎。












 哩個午餐喺露天地方食，其實食物幾好味架，不過室外好多烏蠅。個個都要一隻手食，一隻手趕烏蠅，真係乜mood都冇晒。


 食完飯就去慕尼黑，於是領隊俾左3個鐘我地行。咁我地就行吓慕尼黑嘅市中心--瑪麗亞廣場。

新市政廳






 狗狗也shopping。德國人真係好鍾意狗，d狗好多地方都去得，不過佢地真係好乖架喎，抵佢地可以四圍去。


 省立歌劇院，我地嘅旅遊巴就停喺歌劇院前。
 今晚冇飯食架喇，要等飛機餐，所以我地又去左幫襯NORDSEE嘅麵包，海鮮就冇食喇。


 臨落機captain猛介紹香港喎，睇吓先。你認唔認得返自己住邊???

今程機我又瞓足全程，勁!!!!可能玩得攰啦。都好滿意哩個旅程，德國真係好靚!!!!其實我仲想stay behind架，不過個fd冇假喇。我次次都跟團因為我懶plan嘢、懶book嘢，而且覺得自己要搵車搭好o徙時間。仲有樣嘢好重要，就係自由行要自己攞d行李四圍走，雖然有locker啫，但係都煩啦。不過跟團嘅唔好處就真係冇自由囉，所以我覺得yo tour個理念幾好架，有人幫你plan吓，又有返dd自由度，又有個人可以俾你問吓，但點解好似做唔起??

臨落機時，有個伯伯團友俾佢寫嗰封意見書我地睇。嘩~~佢寫到領隊好衰好衰，其實我覺得雖然哩個領隊唔係好好，不過又未至於好似佢講咁衰呀??唔知個領隊會唔會有後果呢，'鄧'佢驚。

德國 Day 1+2 (呂貝克、漢堡)
德國 Day 3 (不萊梅、哈默爾恩)
德國 Day 4 (歌廷根、卡素爾、阿思費爾、歌班茲)
德國 Day 5 (符茲堡、羅滕堡)
德國 Day 6 (新天鵝堡)
德國 Day 7 (奧巴拉瑪高、林德霍夫宮、楚格峰)
德國 Day 8 (鷹巢、國王湖)

德國 Day 8 (鷹巢、國王湖)

今日去鷹巢，發覺網上鷹巢嘅資料比較少，只知道佢係希特拉嘅別墅。哩個景點，係得翠明去，其他旅行社都冇去，心諗都唔知係咪垃圾景點。點知去完之後發覺唔去唔得喎，點解其他旅行社唔去架????個view正到爆，不過只係夏天先可以去。其實去鷹巢就唔係睇座別墅(而家座別墅俾人買左，變左餐廳)，而係睇附近嘅景，希特拉都好識搵地方喎。

去鷹巢途中嘅休息站




 搭完佢d專車仲要行入個地洞度搭升降機先上到嚟
 哩個就係鷹巢


遠處個湖係國王湖，一陣會去。














 午餐食烤魚

 餐廳裝飾都幾好

 餐廳附近

 生果店，好色彩繽紛，仲好似好好食。



 國王湖四周都係山，風景真係好靚好靚。嚟到一定要自費坐船(有d團包埋，我地唔包)，都係十幾歐羅啫，絕對值得。但我地都有d團友唔去，佢地只喺酒店附近行，好似好o徙時間。哩個就係搭船個碼頭喇。





 一路坐船會有人一路介紹d風景，中途行到某個位又會有人吹樂器，因為可以聽到回音，真係幾好聽喎。



隻船有幾個站，哩個係其中一個。







 個教堂好靚

我地就係坐遠處隻船

哩個係第二個站，不過我地唔夠時間上去lu。




 最遠處個山叫女巫峰，話似個女巫瞓喺度，由右邊開始睇，有額頭、鼻、下巴同胸喎。








 今晚嘅酒店喺柏特斯加登，環境都幾靚呀

 酒店露台望出去

 
 
 酒店附近

德國 Day 1+2 (呂貝克、漢堡)
德國 Day 3 (不萊梅、哈默爾恩)
德國 Day 4 (歌廷根、卡素爾、阿思費爾、歌班茲)
德國 Day 5 (符茲堡、羅滕堡)
德國 Day 6 (新天鵝堡)
德國 Day 7 (奧巴拉瑪高、林德霍夫宮、楚格峰)
德國 Day 9+10 (基姆宮、慕尼黑)