埃及 Day 9+10

最後一日冇行程，半夜就要離開酒店，因為要趕車返開羅。哩段路因為危險，所以要軍警開路先可以俾旅遊車行。不過其實都好似做吓樣咁，如果touchwood真係有事，我覺得d軍警都保護唔到你，因為咁大條車龍，佢保得邊架???
 最後喺機場同阿里影返張相先，佢係當地旅行社職員，專幫我地搞過移民局。記得嚟嗰陣，d人真係唔俾我過關，之後佢走埋去講左幾句就過到喇~~

 返嚟都係去杜拜同新加坡轉機，不過當我地上左機之後就話機件故障，要落機等，一等又7,8個鐘。咁飛到去杜拜當然會miss左原先要轉嗰班機啦，又要再等過。總之最後成廿幾個鐘先返到香港!!!!!!!!!!

埃及紀念品
哩d係紙莎草畫，原來紙莎草畫喺埃及好出名。幅畫左邊係我個名嘅代表符號，右邊就係我個星座。唔係執嘢搵返出黎，我真係唔知自己原來買過哩d嘢!!!!!
 幅畫仲有證書架!!證明佢真係用紙莎草做。


仲有哩幅可以俾你貼想要嘅字

同埋書籤


哩個獅身人面像原本想放喺廳，不過阿媽話好核突，唔俾放..........咁我諗佢都絕對唔適合去埃及。去埃及睇親嘅唔係廟就墓，佢實覺得唔吉利。

 哩三個水晶金字塔喺機場買架，入面係圖坦卡門個樣。(圖坦卡門冇乜豐功偉績，佢出名嘅原因只係因為喺佢個墓搵到好多文物，而其他大人物嘅墓入面嘅陪葬品都俾人盜晒lu。)其實我都有d懷疑佢係唔係真係水晶，不過間舖喺機場入面，應該唔會呃人掛。


 金字塔附近買，唔超過港幣一百蚊，都算抵啦，入面好多彩圖同文字介紹，內容好豐富!!!!!

埃及 Day 8

好興奮呀!!!!今日去紅海玩浮潛，仲有個lunch都喺船上食。第一次玩浮潛呀!!!!

去紅海途中

出海lu，喺船上都可以望到水面有紫色水母，不過冇影。

 個海好靚呀!!不過好大風。











 

埃及 Day 7

住左三晚嘅船，最後留影。


 今日去喀納克神殿，此為祭祠太陽神之神廟，歷代法老王不斷擴建，現為埃及最大之神廟。



 多柱廳




好多羊石像


 真係有羊喎!!!

 自助午餐嘅酒店

 由樂蜀到洪加達途中

望到紅海呀!!!!!!

今晚住洪加達嘅度假村，非常正，房又大，環境又靚。到6年後嘅今日，我住過咁多間酒店嚟講，依然覺得哩間非常好(可能我好少住度假酒店啦，真係大鄉里出城)!!!!

 

哩個係酒店房露台


 哩個係我地間房嘅屋頂，拱型屋頂下面就係張床，ex話好似住墳墓喎，touchwood~~~

 人工湖





夜晚喺酒店食自助餐，好豐富。之後去搭酒店穿梭巴士去downtown行下。

埃及 Day 6

第六日去帝皇谷，谷地地勢險要，所以多代法老王以此為陵墓之用，此處於一九二二年被發現，擁有最完整及最具歷史價值之圖坦卡門陵墓，墓內收藏著大量珍品現被放於埃及博物館。點解唔係用金字塔???因為後期d人覺得金字塔太易俾人知有易偷，所以咪將皇陵建喺山谷中，睇落真係只係一個普通嘅山，唔係好覺有墓。當然d通道係幾十年前先掘出嚟架啦。

 跟住去哈斯普蘇女皇大殿，哩個係古埃及女法老王要嚟祭神嘅神殿，大殿依山而建，氣勢莊嚴。後來哩個女皇俾佢非親生嘅仔切開左14舊，放左喺殿內。




 之後去孟農神殿，地震後成座殿得返哩兩個神像。
 返上船發現今次砌左條鱷魚

最後去樂蜀古廟，哩度係古埃及人祭神慶典之重要場地。門口都個方尖碑。



 哩度以前俾沙埋住，d人未發現哩度有間廟之前就喺度起左間清真寺，就做成而家個境況。

 

    

 

 又係拉美西斯二世像




 因為宗教關係，有哩隻冇酒精嘅啤酒賣。