德國 Day 9+10 (基姆宮、慕尼黑)

今日係旅程嘅最後一日，時間過得真係快。今日嘅第一站係基姆宮，又係Ludwig II建嘅，不過又係未起好。哩個宮係建喺基姆湖上面嘅一個島上，哩個島叫男人島，以前真係唔俾女人嚟架，係d神職人員喺度生活嘅。基姆湖上都有女人島，不過我地冇去啦。因為基姆宮建喺湖上，所以一定要搭船啦。哩度係碼頭附近見到嘅小火車。






 男人島上嘅花，幾靚喎，我鍾意紫色。
 哩個就係基姆宮喇，真係似凡爾塞宮喎。












 哩個午餐喺露天地方食，其實食物幾好味架，不過室外好多烏蠅。個個都要一隻手食，一隻手趕烏蠅，真係乜mood都冇晒。


 食完飯就去慕尼黑，於是領隊俾左3個鐘我地行。咁我地就行吓慕尼黑嘅市中心--瑪麗亞廣場。

新市政廳






 狗狗也shopping。德國人真係好鍾意狗，d狗好多地方都去得，不過佢地真係好乖架喎，抵佢地可以四圍去。


 省立歌劇院，我地嘅旅遊巴就停喺歌劇院前。
 今晚冇飯食架喇，要等飛機餐，所以我地又去左幫襯NORDSEE嘅麵包，海鮮就冇食喇。


 臨落機captain猛介紹香港喎，睇吓先。你認唔認得返自己住邊???

今程機我又瞓足全程，勁!!!!可能玩得攰啦。都好滿意哩個旅程，德國真係好靚!!!!其實我仲想stay behind架，不過個fd冇假喇。我次次都跟團因為我懶plan嘢、懶book嘢，而且覺得自己要搵車搭好o徙時間。仲有樣嘢好重要，就係自由行要自己攞d行李四圍走，雖然有locker啫，但係都煩啦。不過跟團嘅唔好處就真係冇自由囉，所以我覺得yo tour個理念幾好架，有人幫你plan吓，又有返dd自由度，又有個人可以俾你問吓，但點解好似做唔起??

臨落機時，有個伯伯團友俾佢寫嗰封意見書我地睇。嘩~~佢寫到領隊好衰好衰，其實我覺得雖然哩個領隊唔係好好，不過又未至於好似佢講咁衰呀??唔知個領隊會唔會有後果呢，'鄧'佢驚。

德國 Day 1+2 (呂貝克、漢堡)
德國 Day 3 (不萊梅、哈默爾恩)
德國 Day 4 (歌廷根、卡素爾、阿思費爾、歌班茲)
德國 Day 5 (符茲堡、羅滕堡)
德國 Day 6 (新天鵝堡)
德國 Day 7 (奧巴拉瑪高、林德霍夫宮、楚格峰)
德國 Day 8 (鷹巢、國王湖)

德國 Day 7 (奧巴拉瑪高、林德霍夫宮、楚格峰)

一早去奧巴拉瑪高先，哩度最出名係d彩繪壁畫。而且哩度每十年就會全鎮市民演出耶穌受難劇，由晏晝做到夜晚。因為以前哩度附近好多人死於黑死病，但偏偏哩個鎮冇事，所以d人要感謝神恩，演套劇。今年就係哩個紀念年，好多人一早嚟等睇劇，我地就冇時間睇喇，朝早嚟影完相就算。

 

套劇上演時應該就係咁嘅情況

 

跟住去林德霍夫宮，皇宮範圍內嘅一個湖，都幾靚呀。

林德霍夫宮係Ludwig II住得最耐嘅地方，我地個團就冇包入宮，只係喺花園影吓相。不過一場嚟到，點可以唔入呀????一於自費入去睇吓啦!!!!其實都真係值得入去睇吓架，係細左d啫。我地入完宮就喺花園行吓啦。
 







之後我地去楚格峰，佢係屬於阿爾卑斯山脈，係德國最高嘅山峰。







 

我地搭咩齒輪火車上去，嘩~~~搭左個幾鐘，好o徙時間。不過初頭d風景係幾靚嘅，但後段入左隧道，乜都睇唔到。

 搭完火車就搭吊車喇





 個金十架就係最高點喇，好多人戴晒裝備爬上去。哩個楚格峰係德國同奧地利共享嘅。

 好大風，霧又時有時冇，要影張清楚嘅相都好難。



 頭先搭火車見到個湖好清楚，而家...............








 咁高都有個教堂





 酒店就喺阿爾卑斯山區，四周圍d屋都幾靚。






 
德國 Day 1+2 (呂貝克、漢堡)
德國 Day 3 (不萊梅、哈默爾恩)
德國 Day 4 (歌廷根、卡素爾、阿思費爾、歌班茲)
德國 Day 5 (符茲堡、羅滕堡)
德國 Day 6 (新天鵝堡)
德國 Day 8 (鷹巢、國王湖)
德國 Day 9+10 (基姆宮、慕尼黑)