德國 Day 9+10 (基姆宮、慕尼黑)

今日係旅程嘅最後一日，時間過得真係快。今日嘅第一站係基姆宮，又係Ludwig II建嘅，不過又係未起好。哩個宮係建喺基姆湖上面嘅一個島上，哩個島叫男人島，以前真係唔俾女人嚟架，係d神職人員喺度生活嘅。基姆湖上都有女人島，不過我地冇去啦。因為基姆宮建喺湖上，所以一定要搭船啦。哩度係碼頭附近見到嘅小火車。






 男人島上嘅花，幾靚喎，我鍾意紫色。
 哩個就係基姆宮喇，真係似凡爾塞宮喎。












 哩個午餐喺露天地方食，其實食物幾好味架，不過室外好多烏蠅。個個都要一隻手食，一隻手趕烏蠅，真係乜mood都冇晒。


 食完飯就去慕尼黑，於是領隊俾左3個鐘我地行。咁我地就行吓慕尼黑嘅市中心--瑪麗亞廣場。

新市政廳






 狗狗也shopping。德國人真係好鍾意狗，d狗好多地方都去得，不過佢地真係好乖架喎，抵佢地可以四圍去。


 省立歌劇院，我地嘅旅遊巴就停喺歌劇院前。
 今晚冇飯食架喇，要等飛機餐，所以我地又去左幫襯NORDSEE嘅麵包，海鮮就冇食喇。


 臨落機captain猛介紹香港喎，睇吓先。你認唔認得返自己住邊???

今程機我又瞓足全程，勁!!!!可能玩得攰啦。都好滿意哩個旅程，德國真係好靚!!!!其實我仲想stay behind架，不過個fd冇假喇。我次次都跟團因為我懶plan嘢、懶book嘢，而且覺得自己要搵車搭好o徙時間。仲有樣嘢好重要，就係自由行要自己攞d行李四圍走，雖然有locker啫，但係都煩啦。不過跟團嘅唔好處就真係冇自由囉，所以我覺得yo tour個理念幾好架，有人幫你plan吓，又有返dd自由度，又有個人可以俾你問吓，但點解好似做唔起??

臨落機時，有個伯伯團友俾佢寫嗰封意見書我地睇。嘩~~佢寫到領隊好衰好衰，其實我覺得雖然哩個領隊唔係好好，不過又未至於好似佢講咁衰呀??唔知個領隊會唔會有後果呢，'鄧'佢驚。

德國 Day 1+2 (呂貝克、漢堡)
德國 Day 3 (不萊梅、哈默爾恩)
德國 Day 4 (歌廷根、卡素爾、阿思費爾、歌班茲)
德國 Day 5 (符茲堡、羅滕堡)
德國 Day 6 (新天鵝堡)
德國 Day 7 (奧巴拉瑪高、林德霍夫宮、楚格峰)
德國 Day 8 (鷹巢、國王湖)

德國 Day 6 (新天鵝堡)

有D羨慕隻貓添。

今日終於去新天鵝堡，一個我一直好想去嘅地方。新天鵝堡係巴伐利亞國王Ludwig II建嘅。(德國南部嘅巴伐利亞省以前係一個國家嚟嘅，後尾俾斯麥先統一埋佢)佢用左好多錢起3個宮，分別係新天鵝堡、林德霍夫宮同基姆宮。當中只有林德霍夫宮係起好，而且經常住喺入面。雖然新天鵝堡未起好，不過我最鍾意佢，連迪士尼樂園個公主城堡都係以佢做藍本。不過以前d人覺得Ludwig II用太多錢，唔鍾意佢。佢地點會諗到百幾年後，哩幾座城堡可以為佢地賺錢呢。

Ludwig II性格孤僻，沉醉喺自己個世界。最記得佢幾個宮嘅飯廳都係得一張枱，而且張枱有機關可以直接從樓下嘅廚房送飯上嚟，睇嚟佢真係好自閉。佢又會夜媽媽冇人時先出嚟騎馬，好古怪。而且佢又未結婚，成日同男人一齊，可能真係搞基。我成日覺得基嘅人好有藝術天份，可能因為咁先可以設計出咁靚嘅城堡!!!都係唔好長篇大論喇，睇吓相先。

哩個湖喺新天鵝堡山下，Ludwig II就係死喺度。至於點死就冇人知喇，有人話佢係自殺，有人話佢俾人害死。總之有一日佢同個醫生嘅屍體浮喺度。佢嘅一生其實都幾慘，真係o徙料，佢後生仲係一個靚仔嚟架，又高大，做乜搞成咁架??


有天鵝同醜小鴨


前面隻鵝吼我影相時咬左我隻手一啖，好彩今日著左件厚外套。

哩個係舊天鵝堡，即係Ludwig II細細個住嘅地方。


遙望新天鵝堡


 
 我地上新天鵝堡之前喺山下食左午餐先。
 
 甜品超難食

 一上到山，我地行去瑪麗恩吊橋，哩度係欣賞新天鵝堡最好嘅地方。不過我都驚驚地，條橋又見到下面架喎。下面係個峽谷，仲有條瀑布。

 
 
 
橋下條瀑布
 
 
 行上新天鵝堡途中嘅風景


 
 
 
 
 
 
 

終於到大門口喇

門內

 門外

 

等入去嘅時候見到直升機救人

 

入左城堡，哩度就係頭先排隊嘅地方。

 

城堡入面真係好靚，不過唔俾影相。我地只可以由堡內影出面嘅景色，真係好靚!!!!!唔怪得Ludwig II會揀哩個地方做佢嘅城堡啦。可惜佢住過百幾日就冇住過喇，城堡未起好佢就死左添。我入到去，幻想自己係佢，我會點生活呢????

 
 
 
 

頭先就係由哩條瑪麗恩吊橋影新天鵝堡

 
 
 
 

有d人坐哩d馬車上山，我地就搭巴士上落山。

 
 

之後我地返富森食晚飯，餐廳入面有Ludwig II張相喎，後生時ok架，不過到中年時就麻麻喇。

今晚食豬手餐同飲啤酒。隻豬手真係把鬼，尖沙咀間king ludwig一定好食過佢，可能團餐水準差d掛。啤酒就唔好搞我喇，飲左兩啖就俾左團友，求其叫做試過吓咪算囉。

 
 
 
 

富森街頭，上面舊正方形石識轉架。

 
 
 
 
 

我地今晚嘅酒店

德國 Day 1+2 (呂貝克、漢堡)
德國 Day 3 (不萊梅、哈默爾恩)
德國 Day 4 (歌廷根、卡素爾、阿思費爾、歌班茲)
德國 Day 5 (符茲堡、羅滕堡)
德國 Day 7 (奧巴拉瑪高、林德霍夫宮、楚格峰)
德國 Day 8 (鷹巢、國王湖)
德國 Day 9+10 (基姆宮、慕尼黑)