山東 Day 5

對香格里拉嘅早餐有d期待，所以早d落去食。


 酒店餐廳有魚缸

地方好大，都好多嘢食。

我地食完時就見到導遊帶埋老婆嚟食喎，又幾好喎，唔係住喺度都有得食(佢喺青島就返屋企瞓)，仲可以攜眷添。

 

等埋超值團嘅團友過嚟(超值團同豪華團嘅分別就係最後一晚住唔同酒店)，就去奧林匹克帆船中心，2008奧運風帆比賽就喺度進行。

 有火炬同後面個奧運標誌

 對面就係五四廣場喇，有個紅色施風標誌嗰度呢~~行程所寫嘅五四廣場咁就當去左喇。









 去埋最後個自費啤酒廠

哩d就係釀酒嘅地方
 








 最後可以試飲新鮮啤酒，我不嬲都唔飲酒，飲左幾啖都唔識分好唔好飲，不過d團友話好正。
 仲有紀念品賣，有d都幾得意。

 
 
 
之後出機場返香港lu~~~

  

山東 Day 3

今日第一個景點就係御貢緣，係賣木魚石，話d木魚石係泰山先有喎，要嚟做杯可以令d水由酸性變鹼性喎，個董事長係香港人喎，喺元朗有丁屋喎，出年3月喺元朗開分店喎，一個杯個價錢由1080減到200喎，難得咁重都有人買，勁!!!!

 

之後去食飯，哩間餐廳好大，一開門就有兩排人歡迎你，哩d咪係冗員囉~~~不過環境同食物都唔錯既。就喺哩間餐廳開始，有一個團友，餐餐食飯都俾個女食杯麵...........仲問個仔食唔食，好彩個仔仲生性過阿媽，佢話返阿媽癡線，我都覺得佢講得好有道理。餐餐俾個7,8歲嘅女食杯麵，一上車就食珍珍，即係前排話致癌物含量最高嗰隻呢，真係好得人驚。
 

 
 
 
 
 
 
 
 食完飯就去濟南嘅黑虎泉。濟南係泉水之城，有好多泉，最出名嘅係趵突泉，不過領隊話而家好dirty所以唔去喎。我地係去黑虎泉，都出名架喎，不過係我唔識啫。
 
 
 
 
 
 
 
 
 而家仲有人裝泉水返屋企用

 
 
 
 
 
 
之後就去大明湖，不過都睇唔到「我看大明湖」入面嘅景色。


歷下亭
 
 
 又有路邊菜，之前喺張家界見過，原來山東都有好多。
 
 
跟住去自費嘅黃河

 
 
哩度係黃河最後一段
 
 


 
 對面個石像就係黃河母親，見唔見呀???瞓左喺度呢~~我個旅伴要我指左幾次佢先見到。


 之後去左淄博嘅殉馬館。哩度係齊景公嘅墓，佢好鍾意馬，所以死後要活馬陪葬。d馬可以死得咁整齊係因為埋葬前會整暈佢地，再慢慢放成好似跑緊嘅姿



跟住返酒店，喺酒店入面食一人一鍋火鍋。
 
 
 
 今晚住萬豪，不過只係大陸萬豪，唔係國際萬豪。不過都ok啦，大堂幾靚。






仲有浴鹽添