波羅的海+北歐 DAY 4 (里加)

今日正式開始里加嘅行程。首先食個早餐先。


食完早餐就去自費嘅隆黛爾宮(Rundāle Palace)。隆黛爾宮係俄羅斯女皇安娜送俾佢摰愛嘅宮殿。隆黛爾宮建於1736-1740年間，由意大利建築家Francesco Bartolomeo Rastrelli設計。佢嘅代表作仲有聖彼得堡嘅彼得夏宮同凱薩琳宮，唔怪得我覺得隆黛爾宮似曾相識啦。可能我已經去過彼得夏宮，所以覺得隆黛爾宮好普通..............













4月仲係冇乜野睇，如果有花應該會靚好多。


睇完城堡就去薩古達(Sigulda)嘅高雅國家公園(Gauja National Park)。高雅國家公園係拉脫維亞最大嘅國家公園，森林覆蓋率高達47%。我地去到就食左午餐先。

 




我地食完午餐行出去，就見到有人搭直昇機黎食飯。搭直昇機去食飯好型呀~~~
 

我地黎高雅國家公園其實最主要只係睇圖雷達城堡(Turaida Castle)。城堡建於1242年，中世紀時係里加大主教嘅官邸，到16世紀增建左防禦設施，而家就係博物館。我地冇乜時間，所以只係上左個塔樓，上面嘅風景好靚。










行完國家公園就返里加




里加歌劇院



自由紀念碑


跟住行吓古城區，里加古城區係世界文化遺產黎架。哩個係里加主教座堂。




三兄弟屋展現左里加唔同時期嘅建築風格。最右邊嘅係最古老嘅，大約建於1490年；中間果幢建於1646年，係17世紀最典型嘅建築；最左邊嘅係建於17世紀下半葉。




 聖彼得教堂


黎到市政廳廣場即刻俾哩兩座建築吸引，後來先知哩個唔係市政廳，係黑頭宮。原來嘅建築建於14世紀，屬於黑頭兄弟會嘅。1941年哩度被炸成廢墟，而家見到嘅係1995年重建嘅。

 


哩個先係市政廳，就喺黑頭宮對面。


行完今日嘅行程就返酒店食晚餐，之後又去左超市行吓。

波羅的海+北歐 DAY 1 (維爾紐斯)

波羅的海+北歐 DAY 2 (維爾紐斯)

波羅的海+北歐 DAY 3 (特拉凱、十字架山)

波羅的海+北歐 DAY 5 (里加、塔林)

波羅的海+北歐DAY 6 (塔林、赫爾辛基)

波羅的海+北歐 DAY 7 (赫爾辛基、斯德哥爾摩)

波羅的海+北歐 DAY 8+9 (斯德哥爾摩)