跟住就要搭大約4個鐘車去維勒托洛禾(Veliko Tarnovo)或者叫大特爾諾沃。食咗午餐先，左邊果碟其實係d醬料同一條條用菜包住嘅酸飯，我唔識欣賞。
又係食魚，食咗幾餐魚，開始冇心機揀骨。
食完飯就去阿巴納西村睇個聖誕教堂。哩度喺17-18世紀曾經係貿易交易中心。我覺得d村屋疏疏落落咁唔係特別靚，哩d屋係用石砌成，中間夾住木板，有防震作用。
哩個就係聖誕教堂，或者叫基督降臨小教堂。教堂建於1637年，當時係鄂圖曼統治嘅時期，所以d人信東正教都唔可以咁揚，唯有將好普通嘅屋改成東正教堂。哩個教堂外表雖然唔起身，但入面都幾大，好多個室，仲畫滿壁畫。入面比較暗，而且d壁畫都有d脫色。
教堂外，應該係墓地。
之後我地就去今日主要嘅景點，維勒托洛禾嘅沙皇城堡(Tsarevets Castle)，又叫查雷威茲城堡。維勒托洛禾山城位於恩達河(RiverYantra)西岸嘅山上，喺12-14世紀，哩度係保加利亞第二帝國嘅首都。不過鄂圖曼入侵時，將哩個古城大部份建築物摧毀，而家只淨返城牆保存得比較好。
望返轉頭
對面都有個小城牆
我地要行上山上嘅教堂
哩個教堂係20世紀先重建嘅，入面嘅壁畫都好新。
行到上教堂已經好攰，入面冇冷氣，又冇得坐。開始冇乜心機影相，好難想像如果夏天黎會點。
不過教堂外嘅風景係好靚嘅
行返落山lu
睇完城堡就行返酒店
今晚住哩間Yantra Grand Hotel。領隊話成個山城最好係哩間架喇，唔知真唔真。其實房間有d舊，而且近大街，夜晚都聽到車聲。
上房放低野就去行吓街。
酒店附近有好多小店賣手信，主要都係玫瑰產品，hand cream呀，精油呀，面霜果d，真係唔使驚買唔到手信。
我間房就係對住哩條街
晚餐喺酒店食，餐廳望到城堡。
個頭盤真係唔識欣賞，d飯又凍又酸，我果枱d團友個個都食幾啖就唔食。
但主菜好食
食完飯出去行一陣，城堡影得唔清楚😓
右邊就係我地間酒店
巴爾幹半島 DAY 1+2 (盧比安娜、碧湖)
巴爾幹半島 DAY 3 (札格勒布、普箂維斯)
巴爾幹半島 DAY 4 (普箂維斯--十六湖國家公園、薩拉熱窩)
巴爾幹半島 DAY 5 (薩拉熱窩、莫斯塔爾)
巴爾幹半島 DAY 6 (杜邦力)
巴爾幹半島 DAY 7（高塔爾、巴杜華）
巴爾幹半島 DAY 8 (克魯亞、提拉那)
巴爾幹半島 DAY 9 (奧赫里德、斯科比亞)
巴爾幹半島 DAY 10 (里拉修道院、索菲亞)
巴爾幹半島 DAY 12 (布加勒斯特、布拉索夫)
巴爾幹半島 DAY 13+14 (布拉索夫、錫納亞)
沒有留言:
張貼留言