今日晨早起身，第一個撞入餐廳食早餐，15分鐘後即走，因為要去影相。本來領隊只係俾好少時間我地影相，不過個旅伴好激動，佢話佢一定遲到，唔夠時間影。於是領隊唯有叫我地喺街口集合，影完相唔好返酒店，都可以慳返十幾分鐘時間嘅。領隊都算唔話得啦，知佢盡力幫我地爭取時間影相架喇。我都明白行程好趕，因為一陣要坐4個鐘車先去到卡羅維!!!
架黃van幫我地運行李出去。
準備行上山喇。
頭先咪喺哩條橋上面影相囉。
路經皮爾森。領隊kelvin真係好好，忍唔住要一再讚佢。佢好照顧我地，每次一落車就會幫我地搵toilet。啱啱搭左兩個幾鐘頭車，好多人都急喇，但途中好多油站嘅toilet都唔肯開俾我地。我見kelvin上上落落好多次，都搵唔到toilet。嚟到皮爾森，繼續好努力咁幫我地搵，搵到仲跑返嚟叫我地過去。哩個toilet初初又話唔使錢，後尾又有人嚟收錢喎，但我地成班團友冇理佢，走左去，於是個嬸嬸就問kelvin攞錢!!!!其實佢除左好照顧團友之外，d歷史資料都好豐富，長車程佢都會不停講。我個旅伴a level 同hkcee時history都攞A架，連佢都話kelvin掂呀!!!我最欣賞佢係每朝morning call都會親自call我地架，好有親切感!!!!
去到卡羅維溫泉區，首先自費食個lunch先。
咁就用左15歐羅喇。
餐廳外
哩個溫泉區d水唔係浸，係要嚟飲架!!哩度仲有幾間療養院，病人會跟醫生指示，幾時去邊個溫泉飲水咁架。咁一場嚟到，一定要試試啦。首先買個溫泉杯先，我買嗰隻杯，飲水個位係喺杯柄。
卡羅維溫泉區環境都好靚，d病人一路飲，一路行，都幾寫意。
哩d咪係溫泉口囉，有好多個架，有唔同溫度。d水咩味???係牙血水味!!!!
哩個溫泉可以噴到12米，哩個就唔飲得嘅。
哩間酒店好名人嚟過
哩間係一號療養院，不過已經荒廢左。
夜晚食波希米亞豬手，不過不失啦。
東歐 Day 1+2 (布達佩斯)
東歐 Day 3 (布拉提斯娜、維也納)
東歐 Day 4 (維也納、古姆洛夫)
東歐 Day 6 (布拉格)
東歐 Day 7+8 (布拉格)
沒有留言:
張貼留言