世事真係好難預料，事情發展往往好峰迴路轉。話說個幾月前嘅聖誕，我嘅旅程由東歐變張家界，好唔開心。今年新年本來打算去d近近地、平平地嘅地方算啦，因為成日覺得新年係一年之中團費最貴嘅日子。本來我地去問桂林團，但都唔平喎，好似唔抵。咁我又多口問埋東歐團啦，咦~~~美麗華咁平嘅???仲要得返幾個位???唔理喇，即報!!!哈~~上次係東歐變張家界，今次係桂林變東歐。我終於可以去東歐喇!!!!!!其實上年都已經睇過晒d團嘅行程啦，而家見個價啱咪即報囉。
個團話就話8天，但第一日係23:59機喎，咁賤格嘅???實際咪得7天，俾多左一日服務費添。
又嚟喇、又嚟喇，我嘅長途機恐懼症又嚟喇。今次都係瞓唔到，不過身體不適嘅情況已經冇之前幾次咁嚴重。我地搭瑞航，喺蘇黎世轉機去匈牙利首都布達佩斯。
一落機就去左有希臘風情嘅小鎮聖坦德。風乜鬼情呀，一落車就落雪喇，d鋪都冇乜邊幾間開，人影都唔見隻，邊有風情呀???
不過哩個東正教教堂都幾靚嘅。
虎眼窗
跟住去英雄廣場
經過鍊橋
漁人堡
加冕大教堂，係皇帝加冕同大婚嘅地方。
哩條咪多瑙河囉，對面就係國會大廈喇。領隊問我地自唔自費遊多瑙河船河，我好想去，但有個家庭成11人，佢地唔去，我地都唔使去啦!!!唉~~~
蓋列特山
白色哩條咪係伊利莎伯大橋囉。
自由女神像，唔記得左係因為紀念解放咩人而整架添。
晚餐前我地返酒店休息一陣先，哩個時候旅伴發現原來酒店冇拖鞋，於是發爛渣喇。咁唯有出去買囉，橫掂仲有時間。但我地都行左成10-15分鐘先搵到間shopping mall入面嘅超市有得買，之後就好趕咁返酒店集合，之後去食晚餐。哩度係酒店影出去嘅景，哩間酒店..........係我住過咁多間酒店最差嘅一間，似賓館多d，仲衰過香港d乜乜度假村!!!不過算啦，一分錢一分貨嘛。
我地嘅晚餐，ok啦
餐廳有匈牙利傳統表演，不過我喺機又瞓唔到，一落機就玩到夜晚，仲要計埋時差，三十幾個鐘冇瞓，真係超攰。個表演仲未完，但我都唔理喇，一於上車休息先。點知d團友見我走，個個都走lu。
東歐 Day 3 (布拉提斯娜、維也納)
東歐 Day 4 (維也納、古姆洛夫)
東歐 Day 5 (古姆洛夫、皮爾森、卡羅維溫泉區)
東歐 Day 6 (布拉格)
東歐 Day 7+8 (布拉格)
沒有留言:
張貼留言