東歐 Day 4 (維也納、古姆洛夫)

今日去維也納嘅遜布倫宮，又或者叫美泉宮。話抄凡爾塞宮喎，點解好似歐洲個個皇宮都抄凡爾塞架??我又覺得係個宮嘅外表有d似囉，個花園唔似喎。不過可能因為落晒雪嘅關係啦，睇唔真。




 原本哩個婆婆餵緊松鼠，佢見到我地，就俾左d食物我地，等我地餵。



 有冇發現遜布倫宮旁邊好似有d嘢俾麻布袋包住呀???係金像嚟架!!!!!而家驚d雪會傷害到佢，咪封住囉。
遜布倫宮門外

 跟住去自費嘅地下湖，哩個景點真係唔去都擺，冇乜特別，又唔係靚。大陸d乜洞物洞都靚過佢，不過大圍去咪去囉，我又唔會慳哩d錢。唉~~~如果嗰11個團友用d錢去遊多瑙河咪好囉，嚟哩度真係冇咁值。

裏面都有個教堂同以前d軍備



 跟住去捷克嘅古姆洛夫，途中又見到百水先生嘅設計。哩個係焚化爐。


 去到古姆洛夫已經天黑lu，2月嘅東歐，5點就天黑啦。我地間酒店就喺後面之嘛，趁等開飯時咪嚟影吓相囉。

右邊哩間就係我地間酒店，頂樓開左燈嗰度其中兩個窗咪係我地間房囉!!!哈~~好似好唔環保，不過驚夜晚返去太黑嘛~


 今晚喺酒店入面食「鞋」雞餐。

 食完飯出去行吓




勁靚呀!!!!!我嚟東歐，都係為左哩個景。古姆洛夫堅靚，佢仲係世界文化遺產嚟架!!!好彩我今次有帶腳架喇，明知早天黑都唔帶就抵死啦!!!












 我地間酒店房呀，幾特別呀，不過行到死死吓呢。酒店冇lift，我地兩個弱質女子要自己搬行李上房。我地間房仲要喺頂樓!!!!想死~~~







東歐 Day 1+2 (布達佩斯)
東歐 Day 3 (布拉提斯娜、維也納)
東歐 Day 5 (古姆洛夫、皮爾森、卡羅維溫泉區)
東歐 Day 6 (布拉格)
東歐 Day 7+8 (布拉格)