台北 DAY 2 (臺北市動物園)

第二日我負責去買早餐返酒店食。其實可以落lobby食，不過覺得喺房食會輕鬆D，阿B唔使睇得咁緊。

去左酒店附近嘅「大姐水煎包」同「永和豆漿大王」買早餐。其實本身係想去永和豆漿，但我去錯左「永和豆漿大王」😝幾間都喺附近。

酒店樓下都有好多車仔檔。


今日第一站係去動物園，搭捷運去動物園站就到，好方便。入場費60新台幣。




動物園都幾大，不過我地時間唔夠，只係行左一半地方。

樹熊

駱駝



羊駝
 


狐獴



羚羊


河馬

 犀牛


完動物園就兵分兩路，阿B佢地去睇唔知咩展覽，我同老人家返酒店附近行。首先買野返酒店食先，我食炸雞，屋企人食阿宗麵線。




返到酒店都下午3點幾，竟然仲未執房。問返酒店先知，原來要4點前，自己掛個「打掃房間」牌出去先會有人幫你執。真係大鄉里到爆，我跟開團，哩D野通常有人幫我安排。


之後就去附近嘅紅樓



西本願寺哩棵櫻花都幾靚

 

跟住仲去左遠東百貨行左陣，就搭捷運去大安站食晚飯。今晚黎哩間「這一鍋」打邊爐。

 環境幾好，食物同服務都好好，仲要唔貴，每人大約港幣二百幾(唔係任食)。



醬料、白飯任裝。個個都話D飯好好食，甚至有人食左兩碗😆，不過我一啖都冇食。



其實個湯底都好夠味，可以唔需要醬料。


三款餃



茶壺都幾靚


仲有沙冰送，乳酪味，好好飲。


餐廳洗手間好似酒店咁，有好多野俾你用。有漱口水、牙線、乳液等等，連女性衛生用品都有。

 食完晚飯返酒店，又喺附近買左鹽穌雞、魷魚同杏鮑菇做宵夜。

台北 DAY 1

台北 DAY 3 (陽明山、十分、饒河街夜市)

台北 DAY 4 

台北 DAY 1

今次係第一次同全家人去旅行，同行小B第一次搭飛機去旅行，所以唔敢去咁遠，台灣係最好嘅選擇。(阿B，你要乖呀，今次玩得開心，下次就可以去日本架喇!)

我都10年冇去過台灣，好似大鄉里出城咁。原來而家可以自己上網申請入台証，之後再print埋出黎就搞掂，費用全免。

哩度可以睇下自己需要邊種證件

我第一次搭香港航空😅

個飛機餐，根本係減肥餐黎架喎。

真係見到都唔想食。我都知會係簡單輕食，但真係估唔到會係腸仔包。我小學之後就冇食過喇。

到左桃園機場之後第一時間係搵ATM機攞錢(其實好多地方都可以碌卡，連買麵包，折合港幣幾十蚊都可以碌，所以都唔使攞好多錢)，同埋買電話卡。之後就約包車司機，車我地返酒店先。

我地住丰居旅店- 西門館，要經過d時裝店先搭到lift上2樓lobby。



lobby地方唔係好大，有地方俾你免費食吓麵包呀、蛋糕呀、乾糧零食，夜晚會有杯麵。





check in完上房放低行李先


三人房。我覺得房間偏細，我張床冇床頭櫃，想放下電話都冇地方。



個廁所最衰，完全冇地方俾你掛衫，浴缸又冇地方俾你放你自已帶黎嘅用品。最慘係用花灑沖涼時D水一定會流出黎，搞到一地都係水。不過有D房係有企缸，同埋有架俾你掛衫嘅，唔係間間房都咁衰。


廁所嘅用品如果唔夠，可以落lobby攞。lobby有個櫃俾你自己攞棉花棒、髮圈、護髮素(試用裝嘅包裝，攞左都mit唔開嘅，嘥氣)、生理鹽水等等。

放低行李後就搭一個站捷運去台北車站買野同食晚飯。

酒店最好嘅優點就係地點好，喺正西門町，行2,3分鐘就到西門捷運站。

首先黎微風廣場哩間紅豆小館食晚飯，其實佢冇乜特別，只係貪佢有BB櫈。

 


食物好普通，最唔好係唔夠熱。


我地食野，阿B玩貼紙。


食完飯去新光三越買手信，幾間店夾埋滿2000新台幣就可以退稅。

之後就返酒店

酒店附近有間炸雞店好香，買左份細嘅返酒店食，幾好食。

返酒店休息一陣仲去左家樂福，今日真係好充實。

台北 DAY 2 (臺北市動物園)

台北 DAY 3 (陽明山、十分、饒河街夜市)

台北 DAY 4