湖南 Day 4

酒店停車場

 今日去天子山，嘩!!!個山好似發mo咁，唉~~~睇嚟一陣d景都................

 
 
 
等緊坐車遊十里畫廊，十里畫廊即係方圓十里都係哩d景囉
 
 
 
 
 
 
 
 
 
 
 三姊妹，都似似地嘅，俾d想像力啦!
 我地咪坐哩款車遊十里畫廊囉
 
 搭百龍電梯上山，條電梯好勁架!!!有三個世界之最:「世界最高的全暴露觀光電梯」、「世界上最快的雙層觀光電梯」、「世界上載重量最大、速度最快的觀光電梯」。


電梯對出有哩個將軍列隊

真係唔多識欣賞



 上到去喇

 唉~~原本應該係咁

 而家係咁。不過最搞笑係D阿姐仲猛我地影相，都唔知係咪玩野，咁嘅樣點影呀???










 哩條橋好驚呀，又高又驚跣，隻手一路未離開過條欄杆，好凍呀!!!!!











 天下第一橋，係一條天然石橋。會唔會行行吓斷左架??


好多人將d鎖鎖喺鐵欄度


 賀龍公園嘅賀龍將軍像


 哩個係御筆峰，隔離仲有個仙女散花架，不過散到乜都睇唔到。


 頭先搭電梯上山，而家坐索道落山。


 跟住去龍王洞


















行行吓成身楝汗，頂唔順，都係上返車先。不過由於我地唔係跟大隊行，返轉頭時d彩燈熄晒，只係得返少少燈，都幾得人驚。

湖南 Day 3

尋晚影完鳳凰古城夜景，今日一早去影日景。哩度就係酒店房影出去，酒店行過去好快之嘛。


行過去虹橋






其實我好鬼驚，唔敢行過去。






 有人整姜糖，我都買返包俾阿媽食，點知佢話好甜喎，而家可能去左垃圾桶lu。

籃中一個B




 跟住去左芙蓉鎮，即係王村。

湖南 Day 2

第二日終於可以飛喇，其實都遲左少少架喇，不過總好過好似尋日咁啦，好彩領隊話仲可以趕到晒d行程，如果唔係真係唔知點喇，唔通為左嗰一兩個景點再去多次咩。不過我諗今次領隊導遊賺少左囉，都唔夠時間玩d自費活動。

 

哩度唔知咩區，好鬼隔涉，機都唔多隻。


 今日落左機就去哩度食飯


 跟住去鳳凰古城，係中國三大古城之一，係幾靚喎!!不過最衰我冇帶腳架啦，影夜景始終差d。

我地好大膽試左哩d街邊檔呀。

湖南 Day 1

其實我同個旅伴一早報左名打算去東歐，點知佢突然公司有嘢做，唔可以如期出發，於是唯有退團(報名時同旅行社講掂數，如果我地真係唔得，可以退返錢俾我地)，揀d短短地嘅團囉。由東歐變張家界，其實好唔開心架~~~

 

聖誕節香港機場都有d佈置

到即將起飛時，突然話要delay，因為長沙嗰邊天氣唔好，機場關閉。咁冇計啦，咪四圍行吓。點知冇幾耐之後又話可以起飛喇，咁就拿拿林上機啦。

 

當我地飛左個幾鐘，滿心歡喜以為就到時，機長有廣播，話長沙天氣唔好，要原機折返!!!!!!!吓???已經飛到喇喎，機場都開架喎!!!可能港龍d機長穩陣d啦，唔敢降落，都好嘅，安全至上，唔好夾硬嚟，咁咪返香港囉~~~~

 

返到香港就要一等再等，由上晝9點機一路話delay，de到夜晚9點，機長決定取消今日班機，話一人俾返$300我地返屋企，聽朝9點再飛過。同一班機有我地新華，仲有永安同中旅團，3個團嘅團友好團結地一齊鬧港龍d地勤，拍晒枱咁話俾$300耍走我地，當我地係咩呀??我地唔接受呀!!!我見港龍個職員d汗真係一滴滴咁滴出嚟，好似做戲一樣，之後佢打電話同公司講話冇人接受哩個安排。佢同公司傾左一輪，之後話我地全機人都可以喺機場酒店住一晚。哈哈~~~原來幸福真係要自己爭取架喎，如果冇人出聲，真係要走人。$300???搭的士都唔夠啦!!!!!今次足足delay左24小時，機場入面d嘢都食到唔想再食喇，好彩有得claim保險，不過都冇左一日。