今日去乾陵，即係唐高宗同武則天個墓。天色又係麻麻，地上又有積雪，地下又跣，條路仲要斜架喎，點行呀???行到我成身發滾，一步一驚心。導遊行到唔見左影都唔理喇，最緊要唔好撻低。個領隊見我地行到咁狼狽，叫我地行去佢嗰邊，話冇咁跣喎，不過我地冇聽佢點。之後就好笑喇，佢行行吓因為太跣，行唔到呀，停左喺路中心。我地自身難保，梗係唔理佢啦，好彩有d大陸人幫手扶下佢囉。
乾陵內
大家睇吓係咪好大霧??我都唔知嗰d係霧定咩喇，總之能見度好低啦。話說當我地行到嚟哩度，我個fd突然話唔見左相機，於是佢好衝動，唔理三七廿一，即刻調頭搵。我就喺哩個情況下，望住佢個背影消失於霧中。我咁辛苦行到嚟哩度，真係唔想走回頭路，所以唯有大聲叫佢開電話，我喺度等佢囉。好彩佢冇幾耐都返轉頭喇，原來佢部相機喺佢衫袋!!!!!
武則天個無字碑
之後就去永泰公主墓，係乾陵其中一個陪葬墓。
跟住去漢陽陵，漢陽陵d俑當然冇之前嗰d秦俑咁壯觀啦，哩個時候佢地要休養生息嘛，唔會洗咁多錢。所以去漢陽陵主要睇而家大陸嘅挖掘技術。
我地隔住透明地板睇d俑，個個對鞋都要戴套架!!!!!!見唔見我隻腳呀??喺右下角。
夜看古城牆
夜晚約左一班團友出去行吓，哩個就係鼓樓喇，第一晚我嚟過都唔知。(下面個洞穿過去就係回民一條街，即係第一晚食胡夜嗰度)見唔見有好多鼓呀??
仲有去埋鐘樓
夜晚都幾旺架!!
尋晚嘅小食真係食過返尋味，今晚再食!!
