雲南 Day 1

揀雲南因為聽人講過靚嘛，其實我仲想去埋中甸，諗住一場嚟到，唔爭在去埋啦，可能以後都唔會再黎喇。不過個旅伴又話中甸好普通喎，咁算囉，去六日算喇，今次都係參加康泰。

 

一落機就落雨喇，都冇計啦，都係要行，不過d相冇咁靚囉。首先就去左昆明既大觀園，睇吓個滇池。







今日去得哩個地方啫

 

北京 Day 5

最後一日去左德勝門箭樓，聽個名以為係d咩名勝古蹟，咁佢以前的確係一個箭樓，不過而家已經變左個購物點啦。入左去一陣，走都走唔切。

 去孔乙己酒樓食飯，諗起中學課書。

 之後就去北海公園喇


個白塔都ok啦，不過如果天色好d會仲靚




個池/湖變成咁

行完公園就返香港lu

北京 Day 4

嚟到北京第四日，一早起身望出窗外，見到好多雪呀!!!!心情特別興奮，不過一落雪，天色自然唔多好。
北京 奧運倒數計時器

 天安門廣場，不過好似乜都睇唔到。隱約睇到哩個係人民英雄紀念碑囉。

 毛澤東紀念堂

真係有d冇癮，樣樣都睇唔清楚。睇唔到景咪唯有走去睇下中醫囉。同仁堂有好多中醫架，個個都大有來頭，總之一定睇得出你有問題啦。仲要話哩間同仁堂喺北京市中心，四圍都係政府重要嘅地方，所以佢地都好勁好值得信賴喎。

 

都怪我當時年紀小，真係信佢，用千幾蚊買左d藥。而家諗返，真係覺得自己好傻好天真囉。不過好彩唔只得我一個傻嘅，哈哈。自此之後，我返大陸都唔會再買嘢lu~~
 睇完中醫之後就去左天壇，哩個就係成日喺歷史書見到嘅圜丘喇。

天壇嘅風景好靚呀，哩張有d似書籤同postcard嗰d景。


 不過靚還靚，天壇有d地方用大理石鋪成，加埋落雪，跣到不得了，行起上嚟真係一步一驚心，行到我成身標汗，頸巾都除埋。不過好彩都有d靚仔團友扶吓，哈哈~~~~


地下太跣，冇行到上去。

 

北京Day 3

今日去左定陵博物館



 定陵嘅搬運入口

 明神宗之墓

 之後就去長城啦，遠遠見到就已經好興奮喇~



 不到長城非好漢嘛，點都要行一行嘅，我地去左居庸關。



 d石梯咁高咁直，見到都好驚，好難想像以前d士兵著住成身裝備，仲點行呀????如果落雪咪仲死???






返返停車場走人lu~




夜晚我地走左出去食宵夜，食左小龍蝦、炸醬麵，仲有類似煎左嘅綠豆糕。