食完早餐喺酒店附近行吓
有個shopping mall
我地喺立陶宛住兩晚BEST WESTERN HOTEL VILNIUS
行完返酒店集合，第一站去聖彼得與保羅教堂(St. Peter and St. Paul's Church)
睇完教堂，就去維爾紐斯嘅舊城區食午餐。
正宗嘅羅宋湯要有紅菜頭。
食完午餐就行吓舊城區
首先去大教堂廣場(Cathedral Square)。大教堂廣場位於維爾紐斯嘅心臟地帶，自古以來都係維爾紐斯嘅政教中心。
維爾紐斯大教堂(Vilnius Cathedral)
教堂隔離有個公園都幾靚
見到有個框，我地以為放個頭落去影相。後面有個婆婆走埋黎，雞同鴨講左一輪。
佢應該係想同我地講，我地調轉左方向影，應該係咁樣影哩個景。
教堂廣場仲有哩個好重要嘅魔法石。哩舊石就係紀念「波羅的海之路」(Baltic Way)。1898年，有200萬人手拖手組成人鏈，穿越波羅的海三國(立陶宛、拉脫維亞、愛莎尼亞)嘅首都。目的就係想世界關注佢地想脫離蘇聯獨立嘅訴求。
大教堂廣場除左有教堂同鐘樓，仲有蓋迪米納斯紀念像(Monument to Grand Duke Gediminas)蓋迪米納斯係維爾紐斯嘅建城者。
行完廣場就去總統府
之後就去聖安妮教堂(St. Anne's Church)。哩座歌德式教堂，靚到連拿破崙見到之後，都話要捧在掌心帶返巴黎。
跟住我地經過文學之路，係一d文學家將自己嘅作品釘喺牆上，紀念曾經住喺哩條街上嘅19世紀詩人(Adomas Mickevičius)
之後行埋去市政廳廣場
然後就係自由活動時間。首先我地係去左搵廁所😆。公廁要行好遠，所以我地去左市政廳附近一間店食雪糕，順便去廁所(其實係去廁所順便食雪糕，我地問清楚有冇廁所先買雪糕😝)。個雪糕又幾好食喎。
食完雪糕就四圍行，維爾紐斯舊城區，四圍都係教堂，行幾步就見到一個。
黎明門喺1503-1522年間係城牆嘅一部分，而家就係唯一保留至今嘅城門。上面有個小禮拜堂恭奉黑面聖母，不過我地冇上到去。
黎明門嘅另一面
周街都賣琥珀，因為全世界嘅琥珀，有75%-85%都係產自波羅的海。不過真定假，靚唔靚我就唔識睇喇。
行到差唔多，就去食晚餐喇。
食完晚飯就返酒店，今晚都係住返尋晚間BEST WESTERN HOTEL VILNIUS。聽團友講酒店附近有櫻花，於是我地又走去睇吓。估唔到我第一次睇櫻花竟然唔係喺日本，而係喺立陶宛。
仲有得坐熱汽球添。
波羅的海+北歐 DAY 3 (特拉凱、十字架山)
波羅的海+北歐 DAY 4 (里加)
波羅的海+北歐 DAY 5 (里加、塔林)
波羅的海+北歐DAY 6 (塔林、赫爾辛基)
波羅的海+北歐 DAY 7 (赫爾辛基、斯德哥爾摩)
波羅的海+北歐 DAY 8+9 (斯德哥爾摩)
沒有留言:
張貼留言