酒店環境都幾好
離開酒店就出發去豪斯登堡。豪斯登堡係以17世紀嘅荷蘭為主題嘅樂園。
行行下有D餓，買左好出名嘅佐世堡漢堡試下。
味道都唔錯
其實豪斯登堡冇咩好玩，都係睇野多，對我黎講，哩個錯覺藝術館已經係最吸引。其他好多影院睇野嘅，都聽唔明，睇乜鬼........
幅圖有九隻動物
顫慄城一D都唔驚，本來入左一間鬼屋，應該只係睇野。但入面黑到真係完全睇唔到野，行路都行唔到，又冇工作人員指示你，入左去十秒就調轉頭出返黎。出黎時仲嚇親正想入內嘅一對情侶，可能哩下已經係最驚嚇。
行到去高塔城食lunch。
食完lunch就上塔影相
行到4,5點就返酒店休息一陣。今晚住豪斯登堡日航酒店，酒店就喺樂園隔離，住喺度一晚，就可以一日內無限次進出樂園，非常方便。
休息完再入樂園行下
食左yogurt
食完yogurt都開始天黑，哩期夜晚做光之王國，會開晒超過1100萬個燈泡做燈光show。其實我覺得都唔係好靚，反而覺得佢浪費能源。
機械人賣雪糕
晚餐食左長崎洋食，都幾好食。不過黎哩度食野，就發覺原來日本人真係好死板，都可以話好守規矩嘅。前面有一家五口排隊，但餐廳當時冇大枱，所以安排佢地分兩枱坐，仲要兩張枱係離天隔丈遠。幾分鐘後，到我地有位，佢安排六人枱俾我地兩個人坐。我唔明點解佢唔可以調一調次序，當時我即刻覺得我平時食開嗰間譚仔三哥嘅服務員好勁，佢地可以一眼關七，知道邊度就黎食完，安排座位。
有蛋包飯、漢堡扒、意粉同疑似炸鮮奶
食完飯，行多陣都返酒店lu
返到酒店仲有宵夜食，係之前同領隊落order，叫左馬糞海膽同肥美拖羅。哩度食左11100yen。我唔知算唔算貴，不過味道、口感都好正。我覺得可能自己出去食唔使咁貴，不過都ok啦，都要俾人賺下錢嘛。而且而家送到黎酒店，唔使自己出去搵。
九州 DAY 1
九州 DAY 2 (別府海地獄、金麟湖、湯布院、九重夢大吊橋、阿蘇火山博物館)
九州 DAY 4 (九十九島、出島、太宰府天滿宮)
九州 DAY 5 (鳥栖OUTLET)
沒有留言:
張貼留言