酒店景都唔錯
酒店大堂
酒店餐廳食早餐時見到日出
食完早餐就去別府溫泉區的海地獄。別府地獄一共有八個溫泉，海地獄就係其中一個。
海地獄嘅泉水係藍色的，溫度有攝氏98度!!
海地獄嘅溫室內有睡蓮。
用溫泉水蒸饅頭
睇完溫泉就去金麟湖。金麟湖只係一個小湖，由於湖嘅一邊會湧出清水，另一邊會湧出溫泉水，令整個湖嘅溫差有別，所以湖面會出現一層霧。如果黃昏黎到，夕陽照射下嘅湖面會閃閃發亮，就好似金色嘅魚鱗一樣，所以叫金麟湖。不過我去到時，只隱約見到湖面有少少煙，都睇唔出有一層霧。
金麟湖行落去就係湯布院懷舊古典街，成條街都係賣手信嘅地方，一係就賣美食。
行完街就去九重區嘅「夢」大橋。哩條橋係日本最長、最高嘅人行吊橋。橋高173米﹑全長390米，橋下面係九醉溪谷，建吊橋嘅目的純粹為吸引遊客。
行上去都真係有D驚驚地，條橋會搖的，嗰度又大風又凍，吹到我耳仔都痺痺地。其實我最驚係手震震，跌左部相機落去。
可能我冬天去，冇翠綠嘅山麓，又冇紅葉。只見到入選日本百強瀑布嘅「震動瀑布」。不過我完全感覺唔到佢有幾震動，are you kidding me??
行完橋就去食午餐，要等佢由生雞變成熟雞都要等15分鐘。
餐廳外風景都唔錯
食完午餐原本係去阿蘇火山，不過由於上個月火山先爆完，所以而家唔俾上火山，只可以去附近嘅草千里平原同火山博物館。
草千里但見唔到草........
睇完火山就返酒店，今晚住HOTEL SEKIA
返酒店休息一陣就落去食自助餐
酒店仲有康樂室可以打保齡、桌球
九州 DAY 1
九州 DAY 3 (豪斯登堡)
九州 DAY 4 (九十九島、出島、太宰府天滿宮)
九州 DAY 5 (鳥栖OUTLET)
沒有留言:
張貼留言