德國 Day 5 (符茲堡、羅滕堡)

今日開始羅曼蒂克之路，首先就係去符茲堡。原本有時間俾我地喺美茵橋上影吓相架。點知塞車，搞到冇時間，一落車就要食飯。因為之後book左入主教宮，又唔可以遲入宮喎，旅遊巴又唔可以遲返酒店喎。所以我地唔食lu，利用食飯時間去影相。食幾咁閒，又唔係咩特別餐，十幾個鐘機一場嚟到，都係影相緊要d。於是我地叫領隊留返雪糕俾我地，之後就走去影相lu~~

冇飯食點算???咪一路行一路食包囉!!!就係去左NORDSEE買囉，好好食，分分鐘好食過d餐。

瑪麗亞山碉堡

 
美茵橋有d似布拉格條查理四世大橋，不過哩條細d。
 
 
 
 
 
 符茲堡街頭

 
 
 
 聖母教堂

 影完相返餐廳先知原來好多團友見我地走佢地都走去影相。我地食埋雪糕就行去主教宮。左邊哩班咪係團友囉，最前紅色背心係領隊。

 主教宮，係世界文化遺產嚟架。
 
 入面唔俾影相，不過我偷偷左影左幾張。
 
 
 主教宮個花園好靚呀，哩度就可以光明正大影相喇。
 
 
 
 
 
 
 
 
 之後就去「陶伯河上的羅滕堡」，原來德國好多地方都叫羅滕堡，而最出名就係哩個。


 
 
 
 
 
 
 
 
 
 
 
 喬治屠龍像

 市政廣場

 
 
 
 雪球，去羅滕堡必食。有D似蛋散，有好多口味。最搞笑係我問領隊點解唔介紹團友食，佢好似唔知，冇答我。之後佢自己買黎試下，試完仲話我好介紹佢食，搞到佢停唔到口。
 
 
 
 古城牆，行上去睇下先

 
 
 
 今晚食香腸餐，不過哩餐得來不易。我地行左半個鐘先食到，咪早餐腸囉，朝朝都食啦，使唔使行半個鐘呀????仲要6條都一樣!!!可能因為餐廳喺城外，平D掛~~

 
 食完又行返入城內

 
 
 而家已經係晚上八點。個鐘8點會有公仔走出嚟飲酒。見唔見d公仔呀???話說以前有軍隊入侵，市長求士兵唔好打佢地，於是人地叫佢飲完成「程」(唔識寫添)酒就放過佢地。市長真係飲晒喎，不過之後瞓左幾日幾夜。哩d公仔咪紀念哩件事囉。

 
 
 
 酒店就喺市集廣場附近，好方便

 
 
 
 
 

德國 Day 1+2 (呂貝克、漢堡)
德國 Day 3 (不萊梅、哈默爾恩)
德國 Day 4 (歌廷根、卡素爾、阿思費爾、歌班茲)
德國 Day 6 (新天鵝堡)
德國 Day 7 (奧巴拉瑪高、林德霍夫宮、楚格峰)
德國 Day 8 (鷹巢、國王湖)
德國 Day 9+10 (基姆宮、慕尼黑)