第二日就開始童話之路喇。德國有好多乜路物路架，例如童話之路、羅曼蒂克之路、城堡之路等等。其實係德國想發展旅遊業，將哩d有童話背景、或者有浪漫情懷嘅城市串連起嚟，提議人地咁樣行，咪好似一條路咁囉。
今日我地去嗰兩個地方都係屬於童話之路，首先係不萊梅。佢嘅故事咪係不萊梅樂隊囉。話說驢、狗、貓、雞俾主人遺棄，自己出嚟組樂隊，而佢地嘅目的地就係不萊梅。
不萊梅街頭
哩個就係不萊梅樂隊銅像，驢腳又俾人摸到變金色，又係話唔知摸左會咩好囉。我摸過咁多次哩D野都唔覺好左喎。
羅蘭像，佢係個將軍黎架。不過我掛住影相，聽唔到領隊講關於佢嘅野添。
市政廳同羅蘭像都係世界文化遺產黎架
聖彼德大教堂
不萊梅四圍逛
招牌都有驢狗貓雞
行去食午餐
都係尋日隻甜品，不過哩個冇咁酸
餐廳外
跟住去哈默爾恩，哩度係關於捕鼠人嘅故事。話說哩度以前好多老鼠，咁捕鼠人就話幫手趕走老鼠。只要佢一吹笛，d老鼠就走晒啦。之後市長唔肯俾錢，佢谷鬼氣咪吹笛帶走晒城內嘅小朋友囉。咁故事關哈默爾恩咩事呢???原來哈默爾恩真係曾經有一批小朋友無故失蹤。
捕鼠人像
專俾人結婚嘅地方，類似叫婚禮之家。
哈默爾恩街頭
哩間意旨「北海」店好吸引!!!德國好多地方都見到。
歌廷根嘅酒店幾特別喎，廁所門咁窄，我真係就嚟肥到入唔到門口。
德國 Day 1+2 (呂貝克、漢堡)
德國 Day 4 (歌廷根、卡素爾、阿思費爾、歌班茲)
德國 Day 5 (符茲堡、羅滕堡)
德國 Day 6 (新天鵝堡)
德國 Day 7 (奧巴拉瑪高、林德霍夫宮、楚格峰)
德國 Day 8 (鷹巢、國王湖)
德國 Day 9+10 (基姆宮、慕尼黑)
沒有留言:
張貼留言