盤龍峽

上次俾左千幾諗住去盤龍峽，點知又話打風，驚返唔切香港，最後自動放棄冇去到。今次平平地參加大航算喇，諗住睇吓景啫，是但啦，唔想再使千幾喇。

 

去盤龍峽，車程真係好長。坐左咁耐，到左落車行吓都好嘅。首先睇個水車群先。







 拿!!!哩d我一定唔會俾錢，為佢地好，先唔好俾錢呀。佢地以為有錢賺就會繼續咁做。








行過都差d要開遮
 









 哩度本來話係睇薰衣草架，草就大把，薰衣去左邊?




金林水鄉

 第二朝自己出去食早餐算喇。我第一次參加大航d團，有幾個阿叔好得人驚，好似前世未食過嘢咁，d餸一上枱就冇晒。我地哩d淑女點夠人爭???同枱嘅一家三口都冇啖好食，我地都係出去食自己算喇。


 
之後諗諗吓又覺得唔抵喎，佢地俾咁多錢，我地又俾咁多錢，點解我地冇得食呀???於是我諗到個策略。首先我地揀個路口位，再自製一個上菜位(任你點坐啫，總之係路口位，又有條隙，人地自然喺嗰度上菜啦!)。再問人攞多個碗準備裝餸，或者以極速飲晒d湯，用湯碗裝餸都可以。好喇，當d餸嚟嘅時候，我地要分工合作喇，我負責'禁'住個轉盤，唔好俾佢轉(d阿叔唔理人，人地夾緊嘢佢照轉架!!!)，我嘅旅伴就要負責夾餸，當然夾埋我嗰份啦。夾好晒先好放俾人，如果唔係等佢轉一個圈返嚟，乜都冇晒lu。YEAH!!!!策略成功!!!!!終於有餐飽飯食，可惜哩餐已經係最後一餐喇。

食完飯有團友話想去奧威斯酒店望吓，咁咪去睇吓囉。個大堂俗到嘔，最好睇咪係個廁所囉。哩個係男廁嚟架，不過唔理啦，人人都入去，我都入去影返張相先~

 

見唔見魚缸後面d尿兜?



 之後影埋女廁。哩d咪叫男尊女卑囉，唉~~~~

 肇慶



 返深圳解散後，我地去食老院子

參加完哩個平團，諗緊係咪團費同團友質素成正比架呢??雖然咁諗係好賤，不過我覺得真係有少少關係。

德國 Day 9+10 (基姆宮、慕尼黑)

今日係旅程嘅最後一日，時間過得真係快。今日嘅第一站係基姆宮，又係Ludwig II建嘅，不過又係未起好。哩個宮係建喺基姆湖上面嘅一個島上，哩個島叫男人島，以前真係唔俾女人嚟架，係d神職人員喺度生活嘅。基姆湖上都有女人島，不過我地冇去啦。因為基姆宮建喺湖上，所以一定要搭船啦。哩度係碼頭附近見到嘅小火車。






 男人島上嘅花，幾靚喎，我鍾意紫色。
 哩個就係基姆宮喇，真係似凡爾塞宮喎。












 哩個午餐喺露天地方食，其實食物幾好味架，不過室外好多烏蠅。個個都要一隻手食，一隻手趕烏蠅，真係乜mood都冇晒。


 食完飯就去慕尼黑，於是領隊俾左3個鐘我地行。咁我地就行吓慕尼黑嘅市中心--瑪麗亞廣場。

新市政廳






 狗狗也shopping。德國人真係好鍾意狗，d狗好多地方都去得，不過佢地真係好乖架喎，抵佢地可以四圍去。


 省立歌劇院，我地嘅旅遊巴就停喺歌劇院前。
 今晚冇飯食架喇，要等飛機餐，所以我地又去左幫襯NORDSEE嘅麵包，海鮮就冇食喇。


 臨落機captain猛介紹香港喎，睇吓先。你認唔認得返自己住邊???

今程機我又瞓足全程，勁!!!!可能玩得攰啦。都好滿意哩個旅程，德國真係好靚!!!!其實我仲想stay behind架，不過個fd冇假喇。我次次都跟團因為我懶plan嘢、懶book嘢，而且覺得自己要搵車搭好o徙時間。仲有樣嘢好重要，就係自由行要自己攞d行李四圍走，雖然有locker啫，但係都煩啦。不過跟團嘅唔好處就真係冇自由囉，所以我覺得yo tour個理念幾好架，有人幫你plan吓，又有返dd自由度，又有個人可以俾你問吓，但點解好似做唔起??

臨落機時，有個伯伯團友俾佢寫嗰封意見書我地睇。嘩~~佢寫到領隊好衰好衰，其實我覺得雖然哩個領隊唔係好好，不過又未至於好似佢講咁衰呀??唔知個領隊會唔會有後果呢，'鄧'佢驚。

德國 Day 1+2 (呂貝克、漢堡)
德國 Day 3 (不萊梅、哈默爾恩)
德國 Day 4 (歌廷根、卡素爾、阿思費爾、歌班茲)
德國 Day 5 (符茲堡、羅滕堡)
德國 Day 6 (新天鵝堡)
德國 Day 7 (奧巴拉瑪高、林德霍夫宮、楚格峰)
德國 Day 8 (鷹巢、國王湖)