埃及 Day 4

第三日又去左個自費活動，今次要US$200，千幾咁貴因為要坐內陸機去被譽為埃及最有價值的古建築遺蹟--阿布辛貝神廟。神廟係公元1200年前為拉美西斯二世起嘅，好值得去睇。

搭哩隻機好似坐過山車咁，夠晒刺激。
哩四個石像係描繪左唔同時期嘅拉美西斯，由年青至老。古埃及人甚至計算出日照方位，令太陽唔會直接射到代表死神嗰個石像(只會照到其他三個)!!!!!





隔離哩個係女皇廟，係為拉美西斯二世嘅老婆而建嘅，佢好錫老婆架，所以老婆個石像可以同佢嗰個一樣咁高咁大。
 之後搭遊輪去睇阿斯旺大水霸同方尖碑。哩隻就係我地隻遊輪喇----Miss World號。

 

 

 

 抄吓嘢先，咁耐以前，唔係好記得~~

聞名於世的阿斯旺大水壩，水壩工程壯觀宏偉，不但改變了埃及人的民生，便利了尼羅河兩岸農民的水利建築，而且在水力發電方面，改善了該地區的電力供應，令當地埃及人的生活水準得到改善。哩個水霸喺尼羅河上游，哩度係一個好平靜嘅湖。頭先個阿布辛貝神廟就喺哩個湖上面。



哩個係哈斯普蘇女皇嘅「未完成的方尖碑」。古埃及皇好鍾意整方尖碑嚟記錄自己d威水嘢，不過由於哩個碑整整吓發現有裂痕(定唔知錯手整左條裂痕出嚟)，所以完成唔到。

 
 

 黃昏又有自費活動，就係坐古老帆船遊尼羅河。期間船長會同我地唱歌仔，間中又有d小朋友划架小艇嚟問你攞錢(不過哩個已經算大，唔係小朋友)。