點解嗰陣會揀哩個地方呢???因為某日我行過某旅行社，見到埃及張poster貼左出嚟，我隨口up話不如去埃及啦。人地居然又話好喎，咁就去報名喇。唉~~早知嗰陣我就up北歐呀、南美呀嗰d啦!!!!!
到開羅喇
第一站就去睇金字塔喇。埃及有好多金字塔，不過最出名係哩三個，佢地係父子三代。哩個係最大嘅胡夫金字塔。
跟住係胡夫個仔--卡拉夫金字塔，又名「戴帽」金字塔。其實佢原本好成個外層都係個頂嘅物料嚟，不過經長年累月嘅侵蝕，最後得返個頂。就好似戴左頂帽一樣，所以叫「戴帽」金字塔。
最後一個係胡夫個孫、即係卡拉夫個仔--孟卡拉金字塔。佢係三個中最細嘅，不過佢用d石係靚石嚟架!!由於哩d靚石比較重，所以個金字塔唔可以起太大，如果唔係就支撐唔住!!我地就係入哩個金字塔入面參觀，個入口係後日開出嚟嘅。
哩個位可以一次過影晒三個金字塔，後面一個細細個嘅係皇后嘅。哩個角度睇嚟好似「戴帽」金字塔最大喎!!個導遊話哩個就係卡拉夫叻喇，佢知自己個塔唔可以大過老豆嘅，咁佢就起細少少，而且以角度取勝，令人覺得佢嗰個大d。
一皇三后???
獅身人面像
附近嘅廟
騎駱駝，隻駱駝一上一落時我真係好驚，覺得個人好似90度傾斜咁(事實當然冇啦)，我真係忍唔住太叫救命!!!其實後面嗰隻好鍾意行行吓伸個頭埋嚟，諗起都驚~~
酒店大堂見到有人結婚
又見到有d神像，佢地好多都係左腳踏前，係代表要鞏固自己嘅權力喎。
酒店幾靚呀，仲可以望到金字塔添~~
沒有留言:
張貼留言