巴黎

完左summer course，我同兩個同學stay behind，搭eurostar去左巴黎5日。因為趕住開學，想stay耐d都唔得。

 

聖心教堂係喺蒙馬特山上面。行上山途中見到好多人幫人畫人像，又有好多小檔攤賣吓衫同d垃雜嘢，就好似個小市集一樣。嗰陣係我第一次去歐洲嘅市集，印象好深刻，覺得好熱鬧。其實我覺得都幾值得去架，唔知點解d旅行團唔去，可能覺得哩度危險(聽人講幾雜)???又可能係唔夠時間掛，d人去巴黎都係鍾意shopping多d。

 喺聖心教堂影返落去

 巴黎迪士尼，都唔係太深 印象lu，而家應該都冇乜人去喇。




 第一次去羅浮宮，離遠見到d人好似喺個池入面行?????原來中間係有條路嘅，見唔見我扒左喺度??

聖母院後面，前面裝修緊所以冇影。
 凡爾賽宮內，至於御花園d相我唔scan喇，都係十年如一日。

 

 
 好出名嘅鏡廳

 骷髏骨博物館，用人骨砌好多圖案出黎。
 玩完巴黎再搭eurostar返倫敦留多兩日，之後搭飛機返香港lu。回程時入左駕駛艙影相，聽聞911後唔再俾人入lu。

英國Summer course

1999年學校有機會俾我地去英國讀summer course，我被派去英國西南部一個叫plymouth嘅地方，不過唔記得學校係咩名lu。今次係我第一次搭長途機，真係一d都唔好受，雖然有一大班同學一齊，但都覺得時間好難過。嗰隻機又冇獨立電視，上到機我個肚又唔舒服喇，一路痛到落機，又唔想去飛機嘅廁所，有屁又唔敢放，唔想污染空氣。而家諗返起都覺得痛苦!!!!!!不過而家回憶返嗰段日子，真係好開心~~~

 

學校正門

 哩度就係學校走廊，日日都經過哩度去上堂。
 好多時weekend學校都會有活動，今次住搭船唔知去邊。哩個法國靚仔我吼左佢好耐架喇，終於有機會同佢影張相，哈哈~~~

 學校附近某名人大宅

 哩棵樹成二千年架喇，我喺度破壞古樹添。

當年遇正英國見到日全蝕，嗰輪度度都講日蝕，連薯片個包裝都係日蝕，eclipse哩個字都係嗰陣學嘅。我地嗰日人人都逃學走去睇日蝕，學校都默許啦~~哩個就係日全蝕當時嘅情況，其實咪即係日頭-->夜晚-->日頭，只不過哩個過程喺幾分鐘之內完成之嘛。

今次個活動就係行山，好似行左3個鐘。


 有時學校d活動唔啱玩，我地就會輪流去同學嘅family煮下中國菜。較後生嘅外藉男士係巴西學生嚟架，不過唔同校嘅。佢又住喺我同學個homestay family度，咪預埋佢一份囉。我地教佢用筷子夾粉絲，不過最後好似都係學唔識。

 

 
 同市長合照，我仲記得佢同我講我個身形好似佢老婆喎。

哩法國女仔同我同一個host family，嗰日我帶埋佢嚟我地學校個disco。學校都幾好架，喺disco玩完仲有車車我地返屋企，不過佢又唔係日日有嘢玩。

 隔離班個日本仔

 

 
 我地個阿sir mark

 我住間屋呀

我間房，都算大。見唔見到我個係陳年古董喼??仲有床頭櫃有本書係喺學校圖書館借架，寫住'LIVERPOOL'架，可想而知我有幾愛利物浦呢，唔係得個講字!!!仲有仲有，見唔見張枱有字典機???好明顯我係做緊功課啦，本書都係借返黎present用。嗰陣晚晚11點訓，6點起身，得閒落去同host dad同host mum睇吓電視，生活得好健康。

host mum & host dad，佢地仲有個仔nathan，靚仔嚟架，仲要得18歲~~~平時佢晚晚喺屋企我都冇同佢影相，諗住到最後一日先同佢一家人一齊影，點知等極佢都未返黎，最後我忍唔住問host mum佢去左邊。原來佢嗰晚唔會返屋企!!!!!!唉~~~真係冇緣，冇計啦。

plymouth嘅downtown，環境真係唔錯。記得我地好多時會喺附近買左fish & chips就坐喺草地上食，超正呀!!!!喺香港搵唔到咁好食嘅fish & chips，就算早兩年再去英國都食唔返。不過都可能係我唔識搵地方食啦。

 有個weekend學校帶我地出london。我地去左白金漢宮。

 

 tower bridge

 big ben

 

 
去蠟像館同奇連士文影相

 仲有簡東拿

 

 
 同埋加斯居尼

杜拜

今次係我第一次唔同屋企人跟團去旅行，一揀就揀杜拜，我都唔知點解喎，好多熱門又近嘅地方都未去。今次跟新華，記得當時個領隊而家已經去左第二間旅行社，仲做到好高級添。

 

酒店大堂，都幾有特色。

婦女手工藝中心，有好多工藝品。



 清真寺，通街都係。

 哩七個杯代表七個阿拉伯聯合猶長國

 

 
 可蘭經廣場

沙漠四驅車，不過係隔離個司機揸，佢地好鬼勁架，就算天黑，又冇街燈又冇建築物，佢地都可以好快載我地出返去，唔通真係靠睇星???


玩滑沙，不過要行上去好辛苦，行一步退兩步，所以我玩左一次就冇玩lu。

 

 夜晚喺沙漠嘅營地有個晚會，都係食吓BBQ，影吓相，跳吓舞咁囉。




 好記得哩個女人跳肚皮舞，之後佢仲四圍搵人出嚟同佢一齊跳。當佢事近我地時，我同個fd都即刻dup低頭唔望佢，但佢最後都揀左我個fd出去~~哈哈

 

 我地喺哩間碧海皇宮酒店食自助午餐，食物好正!!!

 

 

 

 個view都唔錯，可以望到帆船酒店。嗰陣嘅帆船酒店好勁架，至top係佢。領隊話有錢都住唔到架，要有身份先得。而家????有錢就住得啦。

 最著名嘅清真寺

杜拜博物館外

 黃金街，真係成街都賣金架喎，但d款好鬼俗氣。