朝早起身，睇吓出面嘅景色。
落去食早餐
食完早餐再喺船上行吓。
瑞典同芬蘭有1小時時差，船上嘅鐘可以顯示晒兩個時間。
落船lu
到左斯德哥爾摩，第一站係去華沙戰船博物館(Vasamuseet)。1628年瑞典國王下令建造華沙號，係當時最大嘅戰船。不過佢太貪心，喺船上放太多裝備，搞到隻船唔平衡。結果戰船落水行駛咗10分鐘就沉沒。到1961年華沙號先被打撈上嚟，而家係世界上保存得最好嘅17世紀船隻。
船尾好多雕像，原本係紅色嘅。
華沙號模型
戰船博物館對面係民族博物館
睇完戰船就去自費嘅露天博物館。將以前瑞典各地具代表性嘅建築搬嚟哩度俾人參觀。
跟住就去睇斯德哥爾摩市政廳。每年嘅諾貝爾頒獎禮就喺哩度舉行。
首先我地去睇藍廳，原本設計師打算將哩個大廳設計成藍色。但後來見到瑞典傳統手工製作嘅紅磚，決定唔將紅磚塗成藍色，但名字不變，仍然叫藍廳。每年諾貝爾頒獎禮後嘅晚宴就喺藍廳進行。
上樓上睇金廳。金廳用咗1800萬塊多色玻璃同鍍金嘅馬賽克鋪成。
上面用圖畫講述人由生到死嘅過程
斯德哥爾摩嘅守護神--梅蘭女廊(斯德哥爾摩庭落於梅蘭湖上)
時間非常倉卒，睇完藍廳同金廳，是但喺市政廳外面影咗幾張相就要走。
超大風
喺皇宮外面留咗5分鐘都冇😔仲要唔係正門
趕住去食午餐之後出機場。留喺斯德哥爾摩嘅時間真係極少，好多地方都未睇，有機會可以再嚟。
午餐係瑞典肉丸餐
食完午餐就去機場lu。機場完全自助化，由scan passport、print boarding pass、貼行李條碼，到送行李上輸送帶都係自己一手一腳搞掂，我真係第一次。
到赫爾辛基轉機，全場最經濟嘅都係burger king。
咁就完咗波羅的海之旅。成個trip主要睇波羅的海三國，遊覽赫爾辛基同斯德哥爾摩嘅時間好少，所以我都唔當自己去過北歐。感覺上波羅的海三國有d似俄羅斯，去過俄羅斯之後先去波羅的海，好似冇乜驚喜。不過放假離開吓香港，去d未去過嘅地方睇吓，都可以啦。
波羅的海+北歐 DAY 1 (維爾紐斯)
波羅的海+北歐 DAY 3 (特拉凱、十字架山)
波羅的海+北歐 DAY 4 (里加)
波羅的海+北歐 DAY 5 (里加、塔林)
波羅的海+北歐DAY 6 (塔林、赫爾辛基)
波羅的海+北歐 DAY 7 (赫爾辛基、斯德哥爾摩)
