模型小屋--花好月圓

對哩個花好月圓真係一見鍾情，一見到即買。今次唔係智趣屋，試下弘達哩個牌子。

一見個包裝就覺得:唔係呀?好似咁兒戲嘅，幾驚攞返屋企途中爛左，咁真係唔知點好。

屋企仲有兩盒未砌，又忍唔住要買多盒，哩盒仲要係最大最貴。

 一買左返黎就即刻檢查有冇重要野漏左或爛左，因上網見到好多人都話佢會漏材料，不過可以免費補發。但我身處香港，如果真係漏野要補發，我又要自己俾運費。所以只可以祈求佢唔好漏野。好彩check過之後冇漏野，只係有枝膠水同少量木質材料爛左，唔會影響到砌唔到。


網上評論好多都話佢本說明書好多錯處，所以我都好小心睇晒成本說明書先開始砌。佢的確係有d材料編號錯左、製作次序亂左、又有好多野漏左冇講，例如有d細零件教你做左，但冇講應該放喺邊，有時就見到有d材料喺度，但又冇教你點做，唯有自己鍾意點做就點做。說明書d圖有d又唔清晰，搞到我有幾次都貼錯左..........如果我第一次砌模型屋就係砌佢，咁我諗我哩世都唔會再砌，慳返唔少。

好彩我之前有砌開，所以難唔到我，我見好多人都話要問返客戶服務先知點砌。我覺得我唔使問都砌到已經好叻豬。

哩張咁壯觀嘅其實係上網搵人地ｄ圖，因為我自己唔會將ｄ材料放到咁亂。







 音樂機芯藏喺泳池頂

 吊燈我永遠都整唔靚



上網見人地話一個電池盒唔夠電，ｄ燈唔夠光。我之前砌落果ｄ有多電池盒，所以攞埋黎用。














 一直我都好憎整花，要逐朵逐朵慢慢剪。有ｄ直頭要逐塊花瓣咁剪添。








 飛機係送嘅，買防塵罩套裝先有。今次哩盒好多野都係現成嘅，都慳返好多功夫。




鋼琴位置成個可以轉，下面就係音樂機芯，一轉就有音樂。不過我發覺好難控制到音樂完左之後鋼琴會轉返黎前面。

沙池d沙好鬼麻煩，好難固定d沙唔甩出黎。

 後面d電線例牌亂晒，活頁個位置原本係要黎放電池盒。不過我冇放入去，方便我隨時開燈。

 地下側面

1樓側面



 







砌左７日，合共52小時。以設計黎講，我最鍾意哩間。