廈門 Day 1

今次跟大航假期去廈門，主要想睇土樓同去鼓浪嶼。跟大航假期都係得一個原因，因為平。好耐以前參加過一次，係搶食團。以為相隔多年，團餐份量、團友質素會有改善，所以諗住再試一試大航d團。點知今次除左要搶食外，連行程安排都好有問題。明明行程紙上寫話會去集美學村，突然變左超遠距離車遊。行程冇話係車遊，事後我再打去大航問行程，佢都話係會落車影相，唔知點解我地去時會變左車遊。問個領隊，佢話行程寫係睇外觀，唔係入內參觀。咁我都冇要求入內呀，我都係想影下外觀啫，而家變左超遠距離睇外觀，都唔係近距離，等於少左個景點。如果你係車遊咪寫明車遊囉，又寫話外觀，根本就係誤導人!!!!!



第一日喺福田口岸集合
之後搭地鐵去深圳北站搭和諧號去福建漳州。等緊搭地鐵期間見到士多店的貓咪好可愛。


到深圳北站，要俾車票同回鄉卡驗一驗票先。

深圳北站都好大


我地跟團，d位唔係一齊坐。不過好彩人地肯同我地調位。
 
座位都算舒服


 搭三個半鐘就到福建嘅漳州。

到左漳州仲要搭三小時車先去到南溪土樓。雖然佢唔係最出名的土樓，不過我覺得都幾有特色，有圓形有長方形，而家仲有人居住。而且四周環境都不錯。



















 睇完南溪土樓再去睇個規模較大的環極樓

 

 之後去食晚飯。行程上寫去準五星土樓王子酒店內享用土樓滋味宴，但最後竟然帶我地黎哩間外貌似舊式時鐘酒店嘅土樓家園酒店食晚飯。

食完有團友攞張行程出黎問導遊，佢先打去公司問。之後話打錯行程，所以安排返喺土樓王子酒店內食宵夜。哩間土樓王子酒店房間好大好舒服。



 補償返嘅宵夜都唔錯