去丹霞山lu。丹霞山係世界自然遺產，又係世界地質公園。丹霞山係由幾千萬年前沉積而成嘅紅色砂礫岩構成，哩種地貌又以丹霞山面積最大、發育最典型、類型最齊全、形態最豐富，所以地質學上稱哩種地貌做「丹霞地貌」。
地質學嘅名詞都以丹霞山黎命名，幾咁威呢，所以要整舊石紀念吓。
入到去見到有山有水，的確係幾靚嘅。d山紅紅地色，又明顯見到以前被水侵蝕過嘅痕跡，都幾特別呀。
個導遊話哩度係幾個馬騮頭，但我一個都睇唔出..........
哩個叫怪面岩定唔知怪面石，稍為突出嘅係下巴，下面係頸。由於面上嘅五官睇唔清楚，所以叫怪面。
開始見到陽元石。陽元石有三十萬年嘅歷史，被譽為「天下第一奇石」。
有冇似得咁緊要呀???
由哩個觀景台影上去就啱啱好。
聽講行哩條梯上去睇陽元石仲清楚喎
上到去，好似都係差唔多。
睇完陽元石就行返落去
行小棧道都幾舒服
由小棧道影返怪面石
跟住坐船遊翔龍湖
坐完船，仲要行到死死吓先睇到哩舊陰元石。因為實在太熱，真係冇心機影相，是但影咗張就算lu。而且我好懷疑哩舊石係咪真係天然。
影完相就走lu， 行返落去都驚驚地。
跟住坐索道上長老峰，來回RMB60。
每次4個波上，又4個波落，每個波可坐6人，即係一次只可以坐24人。好彩條索道短，而且冇乜人排隊，如果唔係都唔知幾時先上到去。
上到長老峰
唔使5分鐘就落車，跟住行去韶音台睇風景。期間見到哩棵樹幾得意喎。
長老峰上的韶音亭
韶音台上賞丹霞
唔坐索道選擇行山嘅團友會行到去對面個亭欣賞風景，不過佢地就會唔夠時間睇埋其他景。我哩D懶人真係打死都唔行。
一馬當先奔舵石
好多人行完韶音台已經冇氣要休息。我地仲俾導遊串，話香港人少運動，佢帶我地要三步一回頭，帶大陸團就可以行得好快。咁我算係團中比較年輕力壯嗰d，所以唔可以俾佢睇少，一於帶頭行去舵石。(其實我只係想喺人地未到之前影相，好怕同人爭位)
舵石
駐足舵石賞美景
坐返索道落山
今晚住萊斯大酒店
休息一陣再出去睇下有冇野食。哩度係酒店第二個入口。
酒店外好多嘢食，可惜冇樣啱食。
沒有留言:
張貼留言