本來一早話左今年唔再去旅行，但成日心思思想去，但今年去左兩個長線喇，今次都係去個短線算啦。於是上網睇吓，又打電話問吓，由查詢到報名到落訂到交尾數，全部都係用電話同上網，都幾方便喎，仲可以全數碌卡，唔使手續費，賺埋積分。點解去分行交錢碌卡反而要手續費????
準備出發，佢地陪我去過好多地方架喇。見唔見我個背囊有兩個利記章呢??証明我係利記忠實fan呢!!!同埋我真係覺得阿Jack好襯我個背囊。
落左機第一站去濰坊嘅楊家埠文化城。
有人製作年畫
印年畫嘅工具
d公仔係講以前d人賣年畫嘅情況
以前d人賣年畫時會一路唱一路賣，哩個阿叔就表演緊喇。
唔知有冇機會賣得出。
睇唔睇到畫中有幾多個B??
答案係6個
楊家埠除左可以睇年畫仲可以睇人造風箏，濰坊就係出名造風箏。
哩條風箏好長
咩款都有
哩個係3D風箏，唔係燈籠。
做風箏用嘅竹，俾火燒都唔怕架~~
參觀完見到有人賣花生，好多人去試食，食完我都買返包。帶返香港後，阿媽居然話好食，問我點解唔買多D，真係估佢唔到。
第一晚就係住哩間濰坊大酒店，四星標準，ok啦。我不嬲對住冇乜要求，最緊要行程啱玩啫。
又玩自拍，不過其實最主要係想影吓佢個筆筒，好屋企feel呀，有較剪，間尺同顏色筆添，真係未見過。尤其把間尺，真係好似d小學生用開嗰d。
夜晚出去行吓，條街都幾靚。
見到間TESCO，諗起曾經去英國讀summer course時，屋企附近就有間TESCO。我好多時放學後都去行吓先返屋企，真係令人好懷念~~~
沒有留言:
張貼留言