山東 Day 5

對香格里拉嘅早餐有d期待，所以早d落去食。


 酒店餐廳有魚缸

地方好大，都好多嘢食。

我地食完時就見到導遊帶埋老婆嚟食喎，又幾好喎，唔係住喺度都有得食(佢喺青島就返屋企瞓)，仲可以攜眷添。

 

等埋超值團嘅團友過嚟(超值團同豪華團嘅分別就係最後一晚住唔同酒店)，就去奧林匹克帆船中心，2008奧運風帆比賽就喺度進行。

 有火炬同後面個奧運標誌

 對面就係五四廣場喇，有個紅色施風標誌嗰度呢~~行程所寫嘅五四廣場咁就當去左喇。









 去埋最後個自費啤酒廠

哩d就係釀酒嘅地方
 








 最後可以試飲新鮮啤酒，我不嬲都唔飲酒，飲左幾啖都唔識分好唔好飲，不過d團友話好正。
 仲有紀念品賣，有d都幾得意。

 
 
 
之後出機場返香港lu~~~

  

山東 Day 4

一早就去左自費嘅古車博物館，哩個景點真係冇乜興趣，不過個自費package有嘅，咪去睇吓囉，哩d錢係要俾人賺吓嘅，我都已經乜都唔買喇，哩幾百蚊自費活動，當幫補吓人地生計囉。



 哩個雕刻由下至上，講左古代車嘅演變。
 入面有好多古車嘅模型，不過嗰日又病得好辛苦，又凍，冇乜心機影假嘢。到哩d真嘢先影吓啦，話哩度係齊桓公嘅墓，有哩d古車嘅化石出土，d車轆用木做，已經腐晒架喇，而家見到嘅係d泥土化石，都有車轆形。
 
 睇行程話仲有個景點，係太公湖，問導遊一陣係咪會去，佢話唔使架，哩度就睇到喇.......................吓??????你睇唔睇到????我已經zoom左~~~

之後返青島，又要3個幾鐘車程。不過哩個導遊好多好多嘢講，講到好似唔想停咁，我去咁多次旅行都未見過一個導遊好似佢咁多嘢講~~

 

食完lunch之後去自費嘅康有為故居
 
 
 
  
 
  
 跟住去小魚山，望返落嚟個景幾靚，不過好鬼凍。












 之後又係自費嘅迎賓府，係以前德國總督住嘅地方，毛澤東都住過。不過同之前真係去德國嘅德國建築相比，差好遠喎~~~


 哩度係書房

每間房嘅火爐都唔同


 睡房，毛澤東瞓過話唔係好舒服，人地話幫佢換過第二張床，佢又話唔使，於是人地幫佢加長。又因為佢鍾意睇書，所以床頭整個櫃俾佢放書。


 哩塊係水晶鏡

 哩個位可以俾主人睇到咩人到訪喎


 鎮館之寶(一)--水晶燈

 鎮館之寶(二)--象牙鍵嘅鋼琴


 哩個係放槍嘅櫃，開門嘅機關就係左右兩邊嘅扭紋木，由下數上去第二,三個彎位就可以扭開道門，我現場睇就真係見到嗰兩個地方啞色左，不過相就可能睇得唔係好清楚。

 又係水晶燈，如果係玻璃，四圍嘅光都會變左5顏6色，而家見到d光都係純色，所以係天然水晶做喎。
 之後去左個天主教堂，又係自費嘅，真係冇乜特別，最特別咪一班學生扮聖誕老人囉。


 跟住去劈柴院風情街，行左幾分鐘，有乜特別呀??我都唔知呀。


 之後去遠眺棧橋同迴瀾閣

開始天黑，要較曝光大d。

 
 哩個應該係小青島喎，導遊唔講嘅??
 再去埋小青島影個像同燈塔，其實個天已經好黑喇，影出嚟唔靚。

 

 仲要去埋八大關風景區，我真係唔知有咩睇。其實而家係行去食晚飯，餐廳喺八大關入面，咁就當去左個景點?????係咪個個團都係咁架??????定我地個導遊自己亂嚟呀?????我上網見人地八大關d景都唔係影哩度~~~~而且仲要夜媽媽，就算真係有景都睇唔到..................不過個導遊把口真係掂，氹得班團友鬼死咁開心，我個旅伴對導遊有不滿，班團友就俾說話我地聽喇。勁啦!!!短短幾日就咁多fans，其實我個旅伴態度係唔好，不過佢都唔係完全無理架喎，班團友做乜當個導遊神咁拜???總之哩個團寫出嚟個行程就好似好多地方去，但好多都係是但到一到或者遠望就算，我覺得有d取巧，所以報團時要問清楚，新華成日話自己嘅山東團最好。我唔知人地嘅山東團係點，不過我覺得同我之前去過嘅其他地方比較，哩團真係唔多掂。可能真係平啦，5日團費都係$3049。

食完飯車遊雕塑一條街，係景點嚟架，不過導遊冇俾我地落車影相，就算佢覺得冇人會落車都應該開口問聲呀???如果一早係打算車遊，行程又唔寫明，真係唔知係旅行社問題定導遊問題喇。

 

跟住去左步行街行吓，係青島最旺嘅地方。



 之後又路經啤酒街，今次佢有問人落唔落去影喇，不過太凍，我喺車上影就算喇。



 今晚住國際品牌香格里拉