台灣 Day 1

又有假期，又搵唔到人去旅行，唯有請屋企人去啦。今次同埋阿媽、老豆去，咁多人就唔好去d貴嘅地方喇，乜都要triple，都幾甘。所以最後揀左平平地嘅台灣囉，雖然我真係唔係咁鍾意台灣，不過貪平，冇乜好揀。雖然之前已經去過台灣，但阿姨後來都話去，又同埋阿爸阿媽，都係費事自由行喇，最後都係跟返康泰。

唉~~台灣嚟嚟去去都係嗰d地方啦，首先去中正紀念堂囉。




 跟住去九份，去到都天黑。點解我次次去親九份都係天黑???有冇咁啱呀??我都未見過九份嘅日景!!!!一場嚟到，一定要試吓魚丸呀、牛肉麵嗰d啦，我食過啫，阿爸阿媽未食過嘛~~



今日第一日，已經換左兩次車，乜台灣d旅行巴成日壞架??領隊都話第一次同一日要換兩次車。因為要等第三架車，領隊為左安撫我地，請我地食豆腐花，哈~~唔知d錢係佢出定公司出呢?

今晚住深坑假日酒店，仲有套房住添!!!!!!今晚間房就正喇，不過心情唔好呢，因為..................唉~~~~