西安 Day2

芳林苑酒店外



 食完早餐就搭電瓶車遊大唐芙蓉園，都靚嘅，不過覺得太人工喇，全部都係仿製品，好似冇乜意義。


















跟住去大恩慈寺。入面個大雁塔最出名，因為唐玄奘曾經喺度翻譯西經。哩個就係玄奘像，後面好朦朧嘅就係大雁塔。
 


 大雁塔



大雁塔內





 之後去左碑林，即係好多石碑嘅地方。個碑字係故意少左一撇。

唐景雲鐘



哩塊碑勁呀，d樹葉係字嚟架，係一首詩，大家睇唔睇到??

首詩咪係咁架囉~



 碑林入面嘅停「車」場--以前d人要黎泊馬嘅，將隻馬綁喺柱度。

 跟住再返大唐芙蓉園睇仿唐歌舞。路經一個城門。

 

 仿唐歌舞









之後自己打的去左回民一條街食宵夜。哩個係麻醬涼皮，有d似雞絲粉皮，不過冇雞同埋d醬多d囉。

羊肉串

羊肉泡膜，其實都好臊，不過叫做試過下就算啦。

食完宵夜又打的返酒店。我地個的士司機都幾好人嘅，同我地傾下偈，咁我地見佢咁好人，咪多口問下西安好出名嘅鼓樓喺邊囉。點知個司機反應好大，而且表現得好唔相信咁同我地講，話原來回民一條街外面，即係我地頭先上車嗰度就係鼓樓。佢講完之後我地都好唔相信!!!!!哈~~~可能嗰陣夜左，冇乜燈，點睇都唔似係一個景點，自己去左都唔知。