台北 DAY 4

今日上午又係各自活動，阿B佢地去佢地想去嘅地方。我又同兩個老人家去返台北車站果邊行街。

今日食酒店嘅早餐，雖然款式唔多，不過味道OK嘅。

早餐日日都有D唔同，唔知真係刻意安排唔同定因為我地晏左，所以有D野俾人食晒要換其他野。


又返去台北車站個微風廣場



到台灣嘅第一晚喺微風廣場買左「一之軒」嘅麻糬，覺得好好食，而家返黎再買。佢嗰D牛軋餅都好好食(可惜一早唔記得影相)


真係唔知「一之軒」出唔出名(好明顯我真係完全冇做過功課)，佢D野係幾好食，D麵包個樣仲好吸引，可惜我地食唔落。
 

行完台北車站，我地打算去鼎泰豐(信義店)食午餐，但係話要等個半鐘。我地冇時間等


於是行落幾條街食哩間



「緊事寬辦、喫飯優先」，符合我嘅生活態度😆



蒜泥蚵、南瓜豆腐


放山雞、嚕肉飯、麵線


放山雞、花枝丸、杏鮑菇。哩間都都幾好食。


食完午餐行過幾條街食甜品


哩間「和茗」係食日式綠茶甜品，佢個千層蛋糕堅好食。

食埋甜品就趕頭趕命返酒店攞行李出機場。出機場前仲去左老天祿買鴨舌。



哩個雞包好過第一程機嘅腸仔包。





台北 DAY 1

台北 DAY 2 (臺北市動物園)

台北 DAY 3 (陽明山、十分、饒河街夜市)

台北 DAY 3 (陽明山、十分、饒河街夜市)

今日早餐各自食，冇打算食乜。於是落樓下seven買左飯團上lobby食，再食d酒店提供嘅麵包、多士。


今日包左一日車去玩，9個鐘，4500新台幣。第一站去陽明山睇櫻花。可能我地只係話去陽明山賞櫻，冇指明要去陽明山國家公園，所以司機車是但車左我地去有櫻花嘅地方。櫻花樹疏疏落落，哩度幾棵，嗰度幾棵咁。我仲以為成個山都係櫻花添。








跟住去左類似火山口、有煙霧出嘅地方，一落車就聞到硫磺味，不過還可以接受。

 d水仲滾緊



之後就去左個大草原，好多人喺度影婚紗相。


仲有好多牛


午餐司機帶我地去食農家菜



食左炒牛柳、炸牛蒡、雞、九層塔煎蛋、排骨同菜。土瓜湯同米粉湯任飲。



跟住就離開陽明山，去十分。途中經過有櫻花嘅地方就會叫司機俾我地落一落去影相。






去到十分，首先去左睇瀑布先。睇瀑布嘅位置4:30就閂門，我地4:20先到😓。


首先要過左條橋先


起初我以為就係睇哩個瀑布😅，好明顯我冇做過功課。







原來哩個先真。十分大瀑布係台灣最大嘅瀑布。

 睇完瀑布就去放天燈




阿B都有份寫



放完天燈原定係去饒河街夜市。不過我地又想去「心心甜心屋」買吓牛軋糖、鳳梨酥，又唔好意思阻司機咁耐，於是叫司機車我地去甜心屋，之後我地自己搭一個站捷運去饒河街夜市。







夜市雖然好多野食，但又多人，又熱，最慘係冇乜地方可以坐低食，我覺得好辛苦。最後我地買左好多野，喺哩間廟嘅對面嘅一個小廣場食，其實果度都好多人，好彩咁啱有人走，我地先搵到張石櫈坐低。




 食完就返酒店lu

台北 DAY 1

台北 DAY 2 (臺北市動物園)

台北 DAY 4