英德 DAY 3

尋晚嘅自助晚餐唔錯，令我對今日嘅早餐有d期望。但最後只有失望，冇咩好食。

食完早餐就去咩花卉小鎮，其實只係賣花嘅地方。






 十一點幾就喺花卉小鎮入面食午飯
 跟住去埋科舉之鄉--塱頭村


其實都冇乜特別，只係哩條村d人以前考科舉有好成績。主要睇下d建築囉。



有個荷花池，但已經冇晒荷花。










隻貓好驚我
 
 科舉村行返出去有個小荷花池



 有個人瑞牌坊


 行完科舉村就返深圳。哩幾日1蚊都冇用過，於是去羅湖商業城食埋晚飯先返香港。


 盤辣酒煮花螺內有隻寄居蟹，平時少食螺，唔知哩個情況常唔常見。

英德 DAY 2

第二日早餐喺酒店食圍餐，好耐未食過圍餐早餐，不過味道都OK的。



 食完早餐又影下酒店大堂

 返上房又影下露台，尋晚天黑影唔到。
第一站就係去小趙州橋


其實小趙州橋冇乜特別，只係曾經有人經過，覺得幾靚，影相post上網。之後好多人都覺得靚，就變左旅遊景點喇。
 


 睇完橋就去彭家古堡。話係廣東小布達拉宮喎。呀~大陸人d想像力都幾豐富。



起初諗住冇乜特別，天氣又熱到就黎熔。想行一陣就返轉頭啦。


 點知上到去望返落黎原來好靚，好彩頭先冇放棄到。
 我揀黎英德，係想睇英西峰林哩d喀斯特地貌。




 睇返行程，應該仲有個景點「英西千軍峰林十里畫廊」。點知問左領隊，佢話十里畫廊唔係一個景點，只係一個地區。我地就身處哩個地區，頭先搭車時都見到哩d山峰。吓!!!頭先搭車????太陽好曬，我冇開窗簾喎!!!!!!!算啦，好彩上到彭家古堡都叫做睇過下峰林啦。

今日三點幾就返到酒店，首先有個小小下午茶。飲品可以揀橙汁或檸樂，仲有涼粉同餅。

 今晚住清新花園酒店。初初覺得個名咁hea，後來先知原來清新係哩一區嘅名，係清遠清新區嘅花園酒店。



原來磨砂玻璃就係沖涼嘅位置


 酒店房有露台


 咁早返到酒店冇野做，就去附近行下。發覺好多小朋友喺度玩水。

 百步梯公園，導遊介紹我地去，喺酒店行過去十幾分鐘，但去完覺得把鬼。天氣又熱，留喺酒店房涼下冷氣、上下網仲好。話時話，平時去旅行，都好緊張酒店有冇wifi。不過我上開嘅網，喺大陸全部上唔到，就算俾wifi我都冇用。



 晚餐就喺酒店食自助餐，都算唔錯。