揭陽、潮州、普寧 DAY 3

 

 

今日個酒店早餐都係麻麻，冇乜選擇，而且味道真係好一般，以五星酒店黎講真係唔掂。

食完早餐就去德安里。話係廣東清代最大府第，係以前一個水師提督方耀嘅屋企。黎哩度係睇佢D四馬拖車、百鳥朝鳳式嘅建築。


哩個就係方耀

 
 
 
 
 
 
 
 
 
 
 
 
 
 
 
 
 
 
 
 

我地喺入面根本睇唔到咩四馬拖車，咩百鳥朝鳳。行左都唔夠一個鐘就上車，去個購物中心。哩個景點擺明係要黎消磨時間。
 
行完街，食埋個晏就返羅湖LU。
 
 
 
 
 
 
我個肚不嬲都唔係咁好，成日肚痛。好彩今次食咁多餐、又下午茶又宵夜又大排檔都冇肚痛。不過會肥囉，果然係美食之旅，不停地食。

揭陽、潮州、普寧 DAY 2

第二朝喺酒店食早餐，原本酒店早餐只有圍餐，不過因為我地個團，改左做中式自助餐。食物款式唔多，是但食飽就算啦。

食完又影下個酒店大堂

 
之後就去潮州博物館

 
 
 
 
 
 
 
 
 
 
睇完博物館又食過，午餐食韓江護國宴，食物幾好，可能餐廳環境實在太熱，一路食一路滴汗，乜MOOD都冇晒。
 

炸芋頭上面有白飯魚，好食
 
 
 
 

貌似魷魚乾嘅燒魷魚其實幾好食，都幾「林」。


食完午餐就去我最期待嘅潮州古城。我地搭電瓶車遊覽古城。首先去廣濟樓同湘子橋。
 
 


 
 
 

條橋幾特別，如果有船經過，中間D船仔就會拆開。


湘子橋對面就係古城牆、古城門。
 
 
 
 
之後再坐電瓶車去城內嘅開元寺
 
 
 
 
 

 
 
 

菩提樹，左右各一棵，一男一女

 
 話樹幹似心臟



樹葉都係心形。哩兩棵已經過千幾年歷史。
 

行完開元寺就去隔離嘅牌坊街

 
 
 
 
 
 
 

 

 
 

天氣真係好熱，根本完全冇心情行。行左好耐見到一間冷氣比較足嘅糖果店，於是立即入去過下冷河，運吉一番。

 

 
 
 
 
 貓式解暑，可惜我唔可以學佢。




等齊人後就行去食下午茶。就係去百年老字號嘅原(前)潮州飯店食韭菜粿同老牌煎蠔烙。


韭菜粿麻麻，皮好厚，而且我鍾意食煎嘅多D。
 
 我地六枱人，阿姐逐枱煎，我地排第六，第一枱嘅人食完我地仲未有得食~~~


不過個蠔餅真係超超超超超好食!!!!!!   一枱兩碟八個人食，好夠食，蠔又大隻，好脆好香。而家香港好多蠔餅都係炸，超難食。哩個真係好正宗好好食!!!!!好似我去左天家嘅阿嫲整嗰D。哩間百年老店冇冷氣，雖然熱，不過都值得，真係好好食!!!


食完蠔餅再去食鴨母捻，話哩間胡榮泉，「MAY姐有請」介紹過喎。我冇睇，唔知真唔真。

鴨母捻其實係D湯丸，個糖水清清地都幾好食。
 
仲有春卷

 
食完下午茶就返酒店LU。今晚住普寧，都要2、3個鐘車程。
黃金國際假日酒店




去到酒店之後即食晚餐。
 
 
 
 
 
 
 
 

 

 食完返房休息

 

 
 

房間內都有盆植物，比較少見

 
 
 
 
 

廁所仲有直接飲用嘅水，我飲過，冇肚痛。


休息3小時後又出去食宵夜
 
 
 

哩間雄記冇第一晚揭陽食宵夜間阿牛咁好食，而且哩間環境好似仲污糟。不過佢都好多野食，都好多當地人食。