開平碉樓+廣州小蠻腰 Day 2+3 (30.07.2011-1.08.2011)

第二朝又再影吓酒店景先。


 酒店外觀就係咁，初初仲以為自己住中銀添，兩幢嘅設計一樣嘅??

 今日個團冇乜行程，只係去華人華僑博物館。

睇完博物館我地就離隊自己去廣州lu~~

 

首先我地打的去江門輕軌站


 廣州南站

我地book咗華廈大酒店，都ok啦，又近地鐵站(海珠廣場A出口)，都幾方便。放低行李後就去睇小蠻腰喇(地鐵赤崗塔站)。

 

搭地鐵時見到有個阿媽抱住個小朋友喺月台尿尿，好經典呀，就地解決.........仲有仲有，當我地坐咗入車廂，等列車關門之際，見到個地鐵職員對住列車同月台條空隙吐痰，可能佢想話俾嗰兩母子知就算要尿尿都應該尿落路軌，唔應該就地~~同埋雖然地鐵都貼晒貼紙，又有職員叫人排隊，又有廣播叫人先讓乘客落車，但d人都係唔理，係咁逼...........唉~~人地落唔到車，你逼上車都冇位架啦，都唔知做乜係要逼。唔怪得魯迅幾十年前已經批評國民嘅劣根性啦，但幾十年後都冇進步。如果魯迅先生仲在世，唔知佢有咩感覺呢??

 

初初諗住上去最高嗰層睇吓，不過廣州空氣質素麻麻，個天都係朦查查一片，我唔想用百幾蚊上到去乜都睇唔到，於是只好近距離影吓佢啦，仲由天光影到天黑~~

 

   



 夜晚開咗燈真係靚好多，我地又喺赤崗塔站搭APM(無人駕駛)去花城大道站遠影廣州塔。個廣場都好大好靚。





 廣州IFC


 夜晚返到酒店，見到個景都唔錯~~
 第三日都冇咩地方去，去廣州我只係想睇吓哩個廣州塔。於是飲完早茶再hea多陣就去廣州東站搭和諧號去深圳lu。

 去到深圳又係行吓街、按吓摩，最後搭地鐵去通新岭站去哩個四川賓館入面嘅川香樓食辣嘢，正!!!


點咗口水雞、蒜泥白肉同酸菜魚，好好食!!!!

開平碉樓+廣州小蠻腰 Day 1 (30.07.2011-1.08.2011)

想去碉樓好耐架喇，初初真係諗住自己去，不過計計吓，點都係跟團抵D，於是就跟美食之旅去開平碉樓，然後先自己去廣州。

 

首先去自力村碉樓。碉樓係鴉片戰爭之後，d人出國打工，賺到錢之後返黎起既。而所以碉樓融合咗中、西嘅建築風格。而當時土匪猖獗，所以碉樓嘅設計仲可以防土匪添。高峰期開平有三千幾座碉樓，不過而家得返千幾，有d仲有人住緊。而我地只係去咗自力村碉樓群，係世界文化遺產嚟架，睇落都幾有特色。有興趣可以睇吓哩個開平碉樓網: http://www.kaipingdiaolou.com/index.asp

 其實哩張我係想影舊黑雲。哩兩日d雨都落吓停吓，不過好好彩，次次我地落車影相都冇雨落，thank god~~
行入村途中


 有走地雞，d毛色又幾靚喎。

 哩座真係仲有人住緊。





 碉樓內








 














有意大利玻璃





 讓子彈飛都係喺度拍

 睇完碉樓就去赤坎古城睇哩條騎樓街，好懷舊呀~~

 

好多人圍住嚟睇，連導遊都話未見過。我又影吓先。

 夜晚住潭江半島酒店，酒店景都ok。不過好鬼難影，影咗廿幾張先有一張叫做比較好。