雲南 Day 5+6

又返昆明lu，去左石林先。聽聞哩度以前係海底，嚟哩度梗係睇石啦，d有形狀都幾得意嘅。









 關公石，話似關公喎，你覺得似唔似??





 哩舊石叫阿思瑪，即係雲南d女仔喎

 睇完石就去七彩雲南買野+食飯+睇表演。

夜晚悶悶地，走左出去行吓，食吓宵夜。不過d米線成碗油，都幾恐怖。

 返酒店途中見到有香瓜，買兩隻食吓，點知之後肚痛，唔知關唔關米線同香瓜事。

話就話係六天團，不過第六日晨早機返香港。

雲南 Day 4

今日終於都去玉龍雪山喇，好期待呀。有三條索道可以上雪山，我地搭其中一條去毛牛坪，三千幾米喎。我初初都驚唔知會唔會有高山反應。領隊喺車度話可以買氧氣，要買趁手。不過我哩d優柔寡斷嘅性格，過左買嘢嘅地方仲未決定買唔買好，咁就太好喇，唔使我決定，都過左啦，想買都冇得買。

 

搭索道上山，好興奮呀。嘩~~見到架車仲興奮呀，一踏上去就搖吓搖吓、搖吓搖吓...........個旅伴仲要掛住抹座位d水(因為落雨)，搞到架吊車搖得仲勁，我即時叫停同唔好~~~~











其實都好高架，見到真係有d腳仔軟。

上到毛牛坪lu，因為冇買氧氣，所以所有活動都以慢動作進行。













 落山去白水河，有d似土耳其個綿花堡，不過當然細好多啦。如果天氣好，可以望到後面個玉龍雪山。

 

 之後去睇張藝謀執導嘅印象麗江，以玉龍雪山做背景(當然我又睇唔到啦~~)嘅現場實景表演。你睇吓d人著晒雨褸，好似邪教聚會咁，何其壯觀!!!

 

睇完表演仲有個祈福儀式

之後就去甘海子。哩度原本係睇玉龍雪山最好嘅地方，不過今日個天............唉~~~~~

 跟住就玉峰寺，嗰d石仔路加埋雨水，真係行得好辛苦。

 入面有棵山茶花王。

 白沙壁畫，唔記得係咩地方添。應該都係d無無謂謂嘅地方，如果唔係我實記得。




後面係玉龍雪山

 臨離開麗江先見到玉龍個靚仔樣，不過總好過緣慳一面啦~